भरत दास, साउन २५ धनगढी । सुदूरपश्चिमेली नेपाली समाज भारत तमिलनाडु राज्य समितिकोे आयोजनामा भाद्र २३ गते अर्थात २०२४ सेप्टेम्बर ८तारिकका दिन साँस्कृतीक कार्यक्रमको आयोजना गरिने भएको छ । नेपाली नारीहरुको महान चाड हरितालिका तीज तथा सुदूुरपश्चिमाञ्चल तथा मध्यपश्चिमाञ्चलमा मनाइने गौरा पर्बको अबसरमा सांस्कृतिक कार्यक्रम गरिने भएको हो ।
राष्ट्रिय स्तरमा ख्याती प्राप्त चर्चित कलाकारहरु लोक देउडा तथा डिजे गायक चक्र बम चर्चित लोक देउडा गायिका संगीता बढुवाल र अन्य कलाकारहरुको उपस्थितिमा साँस्कृतिक कार्यक्रम हुने भएकाले तमिलनाडु राज्यलाई कर्मथलो बनायर बस्नु भएका विभिन्न पेशागत रूपमा आबद्ध नेपाली आमा बुवा दाजुभाई दिदिबहिनी,कलाकार, खेलकुद प्रेमी,पत्रकार, राजनीतिज्ञ, बिद्यार्थी यवं सम्पूर्ण प्रबासीहरुलाई आमन्त्रण गरिएको छ ।
आफ्नो रितिरिवाज, कला संस्कृतिको जगर्ना गर्ने उदश्यकासाथ कार्यक्रमको आयोजना गर्न लागेको सुदूरपश्चिमेली नेपाली समाज भारत तामिलनाडु राज्यका अध्यक्ष इन्द्र बहादुर रोकायाले जानकारी दिए ।
कार्यक्रम लक्ष्मी महल परसुवाक्कम चेन्नाइमा बिहान ११ बजे देखि ५ बजे सम्म सञ्ंचालन हुने उनले जानकारी गराए । कार्यक्रममा उपस्थित भएर कार्यक्रम सफल पारी दिन सम्पूर्णलाई अध्यक्ष रोकायाले अनुरोध गरेका छन ।
कार्यक्रममा मादक पदार्थ सेवन गरेर आउनेलाई रोक लागाएको उनले जानकारी गराए । सुदूरपश्चिमेली नेपाली समाज भारत तमिलनाडु राज्य समितिले विभिन्न सामाजिक कार्य गर्दै आएको जानकारी गराउदै उनले सुदूरपश्चिमेली नेपाली समाज भारत तमिलनाडुको आयोजनामा सांस्कृतिक कार्यक्रमआयोजना गरिएको जानकारी गराए ।
