असार ३१ अछाम । अछाममा बालिकालाई जबरजस्ती गर्न खोजेको आरोपमा प्रहरीले एक जनालाई पक्राउ गरेको छ । अछामको कमलबजार नगरपालिका वडा नम्बर– ५ का ३६ वर्षिय प्रेम बि.क लाई बालिकालाई जबरजस्ती गर्न खोजेको आरोपमा प्रहरीले पक्राउ गरेको हो ।
उनले असार २८ गते दिउसो मदिरा सेवन गरी एक जना १३ वर्षिया बालिकालाई जबरजस्ती करणी गर्न खोजीरहेको अवस्थामा पक्राउ गरिएको बताईएको छ । बिकले बालिकाको कोठा भित्र गई भित्रबाट ढोकाको चुक्कुल लगाई बालिकालाई जबरजस्ती गर्न खोजेको अवस्थामा बालिका चिच्याउदा स्थानियले थाह पाए पछि प्रहरीलाई खबर गरेको बताईएको छ ।
जिल्ला प्रहरी कार्यालय अछामबाट प्रहरी निरीक्षक जय पार्कीको नेतृत्वमा गएको प्रहरी टोलीले उनलाई प्रकाउ गरेको हो । पक्राउ गरिएका बिकलाई हिरासतमा राखी आवश्यक अनुसन्धान गरिरहेको जिल्ला प्रहरी कार्यालय अछामले जानकारी गराएको छ ।
