असार २५ धनगढी । कैलालीको धनगढीस्थित निसर्ग अस्पतालमा एक जना युवतीको मृत्यु भएको छ ।
धनगढी उपमहानगरपालिका वडा नम्बर–१ शिवनगरकी २२ वर्षीया लक्ष्मी जोशीको सोमबार राति उपचारको क्रममा मृत्यु भएको हो ।
उनी पेट दुखेर राति १२ बजे अस्पताल भर्ना भएकी थिइन् । मृतक युवतीका आफन्तले भने उपचारमा लापरबाही भएको भन्दै शव बुझ्न मानेका छैनन् ।
जिल्ला प्रहरी कार्यालय कैलालीका अनुसार मृतकको शव अस्पतालमै छ । घटनाका विषयमा अस्पतालमा बैठक बसिरहेको छ ।
