जेठ २९ धनगढी । कैलालीको धनगढीमा आयोजना गरिएको रोजगार मेलामा रोजगारको माग गर्दै २६ सय ६९ जनाले निवेदन दर्ता गराएका छन भने ८५ जना सिफारिस भएका छन । मेलामा रोजगारदाताले रोजगारदाताले दुई हजार चार सय ६ पदका लागि माग गरेकोमा दुई हजार ६ सय ६९ जनाले निवेदन दर्ता गरेका हुन् । मेलामा माग गरेभन्दा बढीको आवेदन दर्ता भएको आयोजकले जनाएको छ । आवेदन दिएकाहरु मध्ये ८५ जनालाई रोजगारीका लागि सिफारिस गरिएको आयोजकले जनाएको हो ।
धनगढीमा आयोजना गरिएको श्रमाधान रोजगार मेलामा ३८ वटा स्टल राखिएका थिए । जसमध्ये १० वटा स्टलहरु सरकारी क्षेत्रबाट, २८ वटा स्टलहरु रोजगारदाताका तर्फबाट राखिएका थिए । दुई दिनसम्म आयोजना गरिएको मेलामा १० हजार एक सय ५० जनाले अवलोकन गरेको बताखईएको छ ।
श्रम रोजगार तथा सामाजिक सुरक्षा मन्रालय, सुदूरपश्चिम प्रदेश सरकार, धनगढी उप–महानगरपालिका, टीकापुर नगरपालिका, भीमदत्त नगरपालिकाको आयोजना र नेपाल तालिम तथा रोजगार व्यवसायी महासंघ सुदूरपश्चिमको संयोजनमा निजी क्षेत्रका संघसस्था, विकास साँझेदार र अन्य सरोकारवालाको सहकार्यमा रोजगार मेला आयोजना गरिएको हो ।
मेलामा श्रमाधान सम्बाद, सांस्कृति प्रस्तुती लगायतका कार्यक्रम समेत प्रस्तुत गरिएका थिए । रोजगारी सिर्जनामा सरकार र निजी क्षेत्रको भूमिका, अवस्था, चुनौति र सम्भावनाको विषयमा संवाद गरिएको थियो । त्यस्तै वर्तमान श्रम बजारमा सीप प्रमाणिकरण र पूर्व सिकाई मान्यताको भूमिका, अबको यात्रा योगदानमा आधारित सामाजिक सुरक्षा सुदूरपश्चिमका लागि नेपाली श्रम बजार किन यति सुदूर भन्ने विषयमा पनि संवाद गरिको थियो ।
दुई दिनसम्म आयोजना गरिएको मंगलबार सम्पन्न रोजगार मेलामा श्रम आप्रवासन अन्तर्गत कानूनी प्रकृया र मनोसामाजिक प्रभाव लगायतका विषयमा डाक्टर हेमराज पन्त, शिवहरी मुडभरी, रामवहादुर रावत, अनिलकुमार भुजनीया लगायत प्राज्ञिक तथा रोजगारदाताहरुले विचार विमर्श गरेका थिए ।
