बैशाख २३ डोटी । डोटीको एक विद्यालयका १ देखी ५ कक्षाका विद्यार्थिहरु एउटै कोठामा पढ्न बाध्य भएका छन । राखेर पठन पूर्वीचौकी गाउपालिका वडा नम्बरं.४ सानागाउमा रहेको सरस्वती आधारभूत विद्यालयको भवन जिर्ण हुदाँ १ देखी ५ कक्षाका विद्यार्थिहरु एउटै कोठामा पढ्न बाध्य भएका हुन ।
कक्षा ८ सम्म पठन पाठन हुने उक्त विद्यालयको भवन २०७९ सालमा गएको भुकम्प र बेलाबेलामा जाने पराकम्पले चिरा पारेर जिर्ण भएपछि १ देखी ५ कक्षाका विद्यार्थिहरु एउटै कोठामा पढ्न बाध्य भएका हुन । २०५४ सालमा स्थानिय र विद्यालयको आन्तरीक सहयोगमा निमार्ण भएको उक्त विद्यालयको भवन पुरानो र जिर्ण अवस्था रहेको बताईएको छ ।
पुरानो भवन भुकम्प र बर्षादको समय आउँदा भत्किने डरले विद्यार्थीहरुलाई एउटै कक्षामा राखेर पढाउनु पर्ने बाध्यता रहेको विद्यालयका निमित्त प्रधानाध्यापक बिष्णु ओझाले बताए । कक्षाकोठा भित्र विद्यार्थी राख्न र शिक्षक बसेर पढाउन पनि डर लाग्ने गरेको उनले बताए । हिउँदको केहीँ महिनामा जिर्ण भवनमा र खुल्ला चौरमै विद्यार्थी राखेर पठनपाठन गरिए पनि बर्षातको समयमा चुहिने भएकाले पनठन पाठनमा समस्या हुने गरेको उनले बताए ।
स्थानीय सरकारसंग धेरै पटक भवन निमार्णको लागि बजेट माग गरेको भए पनि हालसम्म सुनुवाई नभएको उनले बताए । २०१६ सालमा स्थापना भएको उक्त बिद्यालयमा गैरदलित र दलित समुदायका विद्यार्थीहरु गरी १ सय ७३ जना विद्यार्थीहरुले पठन पाठन गर्ने गरेको उनले जानकारी गराए ।
