बैशाख १० कपिलवस्तु । नेपाल कम्युनिस्ट पार्टीका महासचिव नेत्र विक्रम चन्द विप्लवले नेपालका सम्पूर्ण कम्युनिस्ट पार्टीहरु एक हुनुपर्ने बताएका छन् । पार्टी केन्द्रीय कार्यालय कपिलवस्तुमा आयोजित ७५औं पार्टी स्थापना दिवसका अवसरमा आयोजित औपचारिक कार्यक्रमलाई सम्बोधन गर्दै विप्लवले यस्तो बताएका हुन ।
उनले पुस्पलालको इतिहास दोहो¥याउनु पर्ने बताउदै २००६ सालको कम्युनिस्ट पार्टीको इतिहास नेपाल कम्युनिस्ट पार्टीमा आएर जोडिएको बताए । एकचोटी नेपालमा माओवादीको बहस हुने बताउदै उनले त्योभन्दा ठूलो बहस कम्युनिस्ट पार्टीको एकतामा हुने बताए । कार्यक्रमलाई सम्बोधन गर्दै उनले ६ सालको कम्युनिस्ट पार्टी फर्काउन नसकिने बताउदै ८१, ८२ सालमा २००६ सालको स्प्रिडमा बहस गर्न सकिने बताए ।
ठूला बहसहरुबाट एउटै कम्युनिस्ट पार्टी बनाउने प्रस्तावमा नेपाललाई घुमाउन सकिने उनले बताए । नेपालका सबै कम्युनिस्टहरुले जनमतलाई कदर गर्दै एउटै कम्युनिस्ट पार्टी बनाउनु पर्ने उनले बताए । नयाँ प्रस्ताव लिएर पुष्पलालले खडा गरेको नौलो जनवाद स्थापना गर्ने उद्येश्य लिएको एउटै कम्युनिस्ट पार्टी भएको बताउदै उनले अहिले विभाजित भएको बताए ।
समाजवाद ल्याउन चाहने सबै कम्युनिस्ट पार्टीहरु एकीकृत रुपमा अगाडी बढ्नु पर्ने बताउदै उनले संयोगले इतिहासले त्यसको जिम्मेवारी दिएको बताए । पुष्पलालको इतिहास २०८१ सालमा आएर जोडिएको बताउदै महासचिव विप्लवले नेकपालाई यसको गहन जिम्मेवारी थपीएको बताए ।
