फगुन २७ धनगढी । पत्रकार तथा साहित्यकार मनऋषि धितालका जनयुद्धका डायरी सम्बन्धमा धनगढीमा संवाद कार्यक्रम गरिएको छ । शनिबार धनगढीमा धीतालका जनयुद्धकालीन डायरी सम्बन्धमा धनगढीमा संवाद कार्यक्रम गरिएको हो ।
जनयुद्धकालीन अबश्थाका भोगाई र अनुभूतिहरुलाई समेटेर सातवटा किताव एकैपटक प्रकाशनमा ल्याएका धितालले साहित्यकार, पाठक, पत्रकार, बुद्धिजीवी लगायत सरोकारवालासँग आफ्ना कृतिबारे धनगढी सम्बाद गरेका हुन । जनयुद्धमा प्रत्यक्ष संलग्न भएर युद्ध पत्रकारीता गर्दै आएका उनले त्यसक्रममा घटेका घटना र योजनाहरुको कार्यान्वयनमा भएका क्रियाकलापहरुको पुस्तकमा चित्रण गरेका छन । सामाजिक–राजनीतिक उतार चढाव र परिस्थितिलाई पुस्तकमा समेटिएको उनले जानकारी गराए ।
धितालले जेल यात्रा, बेनी यात्रा, आधार यात्रा, राजमार्ग यात्रा पिलीयात्रा र गण्डक यात्रा पुस्तक प्रकाशन गरेका छन् । त्यसैगरी युद्धकालीन अबश्थामा आफूहरूले आदान प्रदान गरेका चिठ्ठीहरू समेटेर गुफा प्रेसका चिठ्ठी समेत प्रकाशित गरेका छन् । जनयुद्धकालीन समयमा आफुलाई बचाउनु सकस भईरहेका बेला आफ्ना लिखतहरुलाई सुरक्षित राख्न सकेका धीतालले डायरी राखेका अनुभव, र अनुभूतिहरुलाई जस्ताको त्यस्तै पुस्तकका रूपमा प्रकाशन गरिएको जानकारी गराए । जनयुद्धको समय र त्यसवेलाको वास्तविकता कितावमा देखाउन खोजिएको उनले जानकारी गराए ।
किताबबारे टीप्पणी गर्दै पत्रकार तुला अधिकारीले पुस्तकमा समावेश युद्धकालका सन्दर्भहरु पठनीय रहेको बताए । मिसनमा रहेका एउटा पत्रकारले गर्नुपरेको संघर्ष, जेलमा रहँदा जेलजीवन भित्रका कुराहरू पुस्तकमा मन छुने ढंगले प्रस्तुत गरिएको उनले बताए । पुस्तकका सम्पादक राजकुमार कुँवरले जेलयात्रामा नेपाली प्रेसले जनयुद्धमा भोग्नुपरेको संकटबारे उल्लेख गरिएको बताए । राजनीति र प्रेस स्वतन्त्रताको आन्दोलन तथा जनयुद्धलाई यथार्थ रूपमा कितावमा प्रस्तुत गरिएको कुँवरले बताए ।
संविधानसभा सदस्य हरि श्रीपाइलीले जनयुद्धकालीन डायरी भावी पुस्ता तथा अनुसन्धानकर्ता, अध्येताहरूलाई माओवादी जनयुद्धकालको अध्ययन, विश्लेषण गर्ने बलियो सन्दर्भ सामग्री हुने बताए । युद्धको इतिहासबाट उदाएका पात्रहरू अहिले सत्तामा पुगेको अबश्थामा जनताका पक्षमा के गरिरहेका छन् भन्ने विषय महत्वपूर्ण भएको उनले बताए । कार्यक्रम्मा पत्रकार विरेन्द्र रावल, दिर्घ उपाध्या, दिल बहादुर छत्याल,मनमोहन स्वार,लगायतका पत्रकार तथा साहित्यकारहरुले पुस्तकको सान्दर्भिकता सम्बन्धमा विचारहरु राखैका थिए ।
त्यसैगरी सुदूरपश्च्मिाञ्ल साहित्य समाजका अध्यक्ष तिर्थराज पाण्डे र महासचिव गणेश नेपालीले एकैपट ७ वटा पुस्तक प्रकाशन गरेर धीतालले साहित्यमा उर्जाथप्ने काम गरेको बताए । धीतालको सभापतीत्वमा सम्पन्न भएको सम्बाद कार्यक्रमको सञ्चालन पत्रकार महा संघ कैलाली जिल्लाका उपाध्यक्ष पत्रकार हरीष विकले गरेका थिए ।
