प्रदिप मलासी, पौष २१ धनगढी । दलितका सवालमा साहित्य क्षेत्रवाट दलित आन्दोलनलाई उर्जा थप्ने दुई जना साहित्यकारलाई दलित गैर सरकारी संस्था डीएनएफ सुदूरपश्चिम प्रदेशले सम्मान गरेको छ । शनिबार धनगढीमा आयोजीत सुदूरपश्चिम प्रदेशमा दलित समुदायका प्रमुख सवाल र समाधानका उपायहरु विषयक अन्र्तक्रिया कार्यक्रममा दलित गैरसरकारी संस्था महासंघ सुदूरप्रदेश समितिले साहित्यकार धर्मसिह विक र गणेश नेपालीलाई सम्मान गरेको हो । नेपाली साहित्यका माध्यामबाट आफ्ना सिर्जनाहरुमा दलित समुदायको अवस्था चित्रण गर्नुका साथै समस्या समाधानका विषयमा कलम चलाएको भन्दै दुबै जना साहित्यकारहरुलाई सम्मान गरिएको हो ।
दलितका सवालमा लेखिने हरेक सन्दर्भले जातीय विभेद विरुद्ध र सामाजिक न्यायको पक्षमा वकालत गर्ने भएकाले दुबै जना लेखकहरुको लेखन कार्यको प्रगतीको कामना सहित सम्मान गरिएको आयोजक संस्थाका अध्यक्ष प्रेम विसीले बताए । यस्ता सिर्जनाहरुले नेपाली समाजमा जातीय विभेद गर्नु हुदैन भन्ने चेतनाको किास गर्ने उनले बताए । दलित समुदायकै कोणबाट नियाल्दा लामो समय देखि साहित्य क्षेत्र मार्फत दलित मुक्ति आन्दोलनलाई सफलता दिन निरन्तर कलम चलाउदै आएका दुई साहित्यकार गणेश बहादुर नेपाली र धर्म सिंह बि क (धिरज) लाई सम्मान गरिनुले दलित साहित्य प्रतिको मोह बढ्ने उनले बताए ।
दलित महिला संघ कैलालीको सहकार्य र दलित गैर सरकारी संस्था महासंघको आयोजनामा शनिवार गरिएको अन्र्तक्रिया कार्यक्रममा दलित मुक्ति आन्दोलन सफलताका बिषयमा निरन्तर कलम चलाउने साहित्यकार गणेश बहादुर नेपाली र धर्म सिंह बि क धिरजलाई टीका खादा सहित कार्यक्रमका प्रमुख अथिति हिरा सार्की र विशिष्ट अथिति टेक बहादुर रैकाले सम्मान गरेका हुन । दलित मुक्ति आन्दोलनलाई सफल पर्न साहित्यक क्षेत्र महत्वपूर्ण भएको बताउदै प्रमुख अतिथी हीरा सार्कीले दलित समुदायले भोग्दै आएका कठिनाईहरुलाई समेटेर कलम चलाउनु आवश्यक भएको बताए । कार्यक्रममा सम्मानीत ब्याक्तिव साहित्यकार तथा पत्रकार धर्मसिंह बि कले दलित गैरसरकारी संस्था महासंघ सुदूरप्रदेशले गरेको सम्मानले अझै दलित सवाल प्रति शसक्त रुपमा कलम चलाउन जीम्मेवारी थपेको बताए ।
आउदा दिनहरुमा साहित्य सृजना मार्फत दलितका समस्याहरुको समाधान खोज्ने बताउदै उनले समाजमा विद्ययमान कुरीती र कुसंस्कारको विरुद्ध लेख्ने प्रेरणा मीलेको बताए । दलित आन्दोलन समाज परिवर्तनको एक जटिल एजेण्डा भएकाले यसलाई विभिन्न क्षेत्रवाट दवाव सिर्जना गर्न जरुरी रहेकाले यस्ता कार्यक्रम नेतृत्व कर्ता अनुकुल नभई दलितमाथी हुने समस्या समाधानको अवस्था सिर्जना गर्न आवाश्यक रहेको भन्दै साहित्य क्षेत्रमा आफुले गरेको योगदानको कदर गरि सम्मान गरेकोमा आयोजक दलित गैर सरकारी संस्था महासंघ नेपाल प्रती आभार ब्यक्त गरे । त्यसैगरी अर्कौ सम्मानीत ब्यक्तित्व गणेश नेपालीले आक्रोश नभएको व्यक्ति दलित हुन नसक्ने भएकाले दलित मुक्ति आन्दोलनलाई सफल पार्न आक्रोश आवाश्यकता भएकाले वर्तमान संविधानको मुल मर्म र भावका आधारमा आक्रोश पोख्नु स्वभाबिक भएकाले मन्चमा आथित्यता ग्रह गर्ने अथितिले यसलाई नयाँ रुपमा नबुझ्न आग्रह गरे ।
व्यवस्था अनुसार दलित समुदायको योगदान अतुलनिय रहेकाले दलित मुक्ति आन्दोलनलाई सफल बनाउन हरेक क्षेत्रमा आस्था राख्ने दलितहरुले सक्रियता देखाउन जरुरी रहेको भन्दै गैर सरकारी संस्था महासंघले गरेको सम्मान प्रति आभार ब्यक्त गरे । दलित गैर सरकारी संस्था महासंघ निरन्तर दलित मुक्तिका लागि लडने सझा संस्था भएकाले दलित आन्दोलनको सहयोगका लागि आफुहरुले निरन्तरता दिदै दलित आन्दोलनलाई सहयोग गर्ने हरेक क्षेत्रमा कार्यरत साथीहरूको सम्मानका लागि दलित गैर सरकारी संस्था महासंघ तयार रहृको दलित गैर सरकारी संस्था सुदूरपश्चिम प्रदेश उपाध्यक्ष दुर्गा नेपालीले बताईन । दलित आन्दोलन ७ दशक देखि उकालो लागे पनि जातिय छवाछूतको बिषयले अहिले सम्म सार्थकता प्राप्त गर्न नसक्नुले राज्यले दलित समुदाय प्रति अपमान गरेको महसुस हुन थालेको उनल बताईन ।
