असार १८ जुम्ला । अन्तरजातीय प्रेम विवाह गरेका २१ वर्षीय मुकुन्द नेपालीको घरमा आगजनी गरिएको छ । दलितले आफ्नी बहिनीलाई प्रेमबिबाह गरेको भन्दै केटी पक्षले जुम्लाको तातोपानी गाउँपालीका वडा नम्बर–४ गिडीखोला २१ वर्षीय मुकुन्द नेपालीको घरमा आगजनी गरेका हुन ।
नेपलीको घरमा आगजनी गरेको आरोपमा आइतबार स्थानीय २१ वर्षीय युवालाई प्रहरीले पक्राउ गरेको छ । गत साता तातोपानी गाउँपालीका वडा नम्बर–४ गिडीखोला निवासी नेपालीले स्थानीय बसन्ती गीरीसँग प्रेमबिहे गरेका थिए । स्थानीयका अनुसार ती दुवै जनाले २ वर्षको प्रेम पछि अन्तरजातीय विवाह गरेका हुन् ।
आफन्तले किशोरी १६ वर्षको मात्र भएको बताएका छन । मुकुन्दका दाजु भरत नेपालीका अनुसार बिहान ४ बजेतिर भएको आगजनीमा घर र त्यसभित्र रहेका सामान नष्ट भएका छन ।
