चैत ८ धनगढी। सुदूरपश्चिम विश्वविद्यालयका १० वटा आंगिक क्याम्पसमा स्ववियुको नेतृत्व चयनका लागि बुधबार निर्वाचन भईरहेको छ । केन्द्रीय क्याम्पस सहितका ५ वटा क्याम्पस बाहेक १० वटा क्याम्पसमा बिहान ८ बजेदेखि स्ववियु निर्वाचन भई रहेको हो ।
सुदूरपश्चिम विश्वविद्यालयको आंगिक क्याम्पस कैलाली बहुमुखी क्याम्पसमा पनि नयाँ स्ववियु नेतृत्व चयनका लागि निर्वाचन भईरहेको छ । यहाँ नेकपा एमाले सम्बद्व अनेरास्ववियु र नेकपा एकीकृत समाजवादी पार्टीको अनेरास्ववियूबीच चुनावी तालमेल भएको छ भने अन्य संगठनले एकल उम्मेदवारी दिएका छन् ।
अनेरास्ववियुका यमराज जोशी, नेविसंघका हरिस खत्री, अखिल क्रान्तिकारीका पवन सुनार सहितका ९ जनाको उम्मेदवारी रहेको छ । स्ववियु निर्वाचनका लागि गत १ चैतमा मनोनयन दर्ताको समय भए पनि आन्तरिक विवादका केन्द्रीय क्याम्प सहितका ५ वटा क्याम्पसमा मनोनयन दर्ता हुन सकेको थिएन । केन्द्रीय क्याम्पसले अगामी २१ गते नयाँ मिति तय गरेको छ भने अन्य क्याम्पस छलफलमै रहेका छन् ।
