माघ २६ धनगढी । सुदूरपश्चिम प्रदेशका मुख्यमन्त्री राजेन्द्रसिंह रावलले प्रदेश प्रमुख देवराज जोशीलाई राजीनामा बुझाएका छन् । विहीबार प्रदेश प्रमुख देवराज जोशीलाई मुख्यमन्त्री रावलले राजीनामा बुझाएका हुन् । विश्वासको मत नपाएपछि पदमुक्त भएका रनावलले राजीनामा बुझाएका हुन । बिहीवार साँझ बसेको प्रदेशसभा बैठकमा मुख्रुयमन्त्री रावलले प्रदेशसभा समक्ष विश्वासको मत माग्दै प्रस्ताव पेश गरेका थिए ।
प्रस्ताव पेश गर्दा बहुमतले अस्वीकृत भएको निर्णय सभामुखले सुनाएका थिए । रावल एकमहिना अघि सत्ता गठबन्धन दलहरूको समर्थनमा मुख्यमन्त्री नियुक्त भएका थिए । मुख्यमन्त्री नियुक्त भएको एक महिना भित्र प्रदेशसभाबाट विश्वासको मत लिनुपर्ने संवैधानिक व्रुयवस्था हेको छ ।
५३ सदस्यीय सुदूरपश्चिम प्रदेशसभामा नेपाली कांग्रेसका १९, माओवादीका ११ (सभामुख सहित), एमालेका १०, नागरिक उन्मुक्तिका ७, नेकपा एकीकृत समाजवादीका ४ र राप्रपाका १ जना सांसद छन । विश्वासको मतका लागि २७ मत आवश्यक भए पनि नागरिक उन्मुक्तिका सांसदहरु प्रदेश सभामा उपश्थित नभए पछि उनले विश्वासको मत प्राप्त गर्न सकेनन ।
संविधानको धारा १६८ को उपधारा (२) बमोजिम पुस २७ गते रावल मुख्यमन्त्रीमा नियुक्त भएका थिए । रावलले बिहीबार विश्वासको मत लिनै पर्ने संवैधानिक बाध्यता थियो । संविधानको धारा १६८ को (२) अनुसार मुख्यमन्त्री बनेका रावलले ३० दिन भित्र विश्वासको मत लिन नसके पछि धारा (३) अनुसार ठुलो दलको संसदीय दलको नेता मुख्यमन्त्री बन्ने संवैधानिक व्यवस्था रहेको छ । यही व्यवस्था अनुसार कांग्रेसका शाह भावी मुख्यमन्त्री बन्ने भएका छन् ।
