माघ २६ धनगढी । एमाले नेतृत्वको सुदूरपश्चिम प्रदेश सरकारले विश्वासकोमत हासिल गर्न नसक्दा ढलेको छ । मुख्यमन्त्री राजेन्द्रसिंह रावलले विश्वासको मत नपाए पछि एमाले नेतृत्वको सुदूरपश्चिम प्रदेश सरकार ढलेको हो । बिहीबार अपराह्न बसेको प्रदेश सभा बैठकमा सम्बोधन गर्दै मुख्यमन्त्री रावलले विश्वासको मतका लागि प्रस्ताव गरेका भए पनि विश्वासको मतको प्रस्ताव अस्वीकृत भए पछि एमाले नेतृत्वको सुदूरपश्चिम प्रदेश सरकार ढलेको हो ।
टीकापुर घटनाका कैदीबन्दीहरुलाई रिहाइ गरेपछि मात्रै मुख्यमन्त्रीलाई विश्वासको मत दिने नागरिक उन्मुक्ति पार्टीको निर्णय पछि सरकार ढलेको हो । टीकापुर घटनाका कैदीबन्दीहरुलाई रिहाइ गरेपछि मात्रै मुख्यमन्त्रीलाई विश्वासको मत दिने नागरिक उन्मुक्ति पाटीले निर्णय गरेको थियो । उक्त पार्टीका ७ जना सांसद काठमाडौंमै रहेका छन् ।
विहीबारको प्रदेश सभा बैठकमा सहभागी भएनन् । संविधानको धारा १६८ को उपधारा (२) बमोजिम पुस २७ गते रावल मुख्यमन्त्रीमा नियुक्त भएका थिए । मुख्यमन्त्री रावलले बिहीबार विश्वासको मत लिनैपर्ने संवैधानिक बाध्यता थियो ।
संविधानको धारा १६८ को (२) अनुसार मुख्यमन्त्री बनेका रावलले ३० दिन भित्र विश्वासको मत लिन नसके पछि धारा (३) अनुसार ठुलो दलको संसदीय दलको नेता मुख्यमन्त्री बन्ने संवैधानिक व्यवस्था रहेको छ । यही व्यवस्था अनुसार कांग्रेसका शाह भावी मुख्यमन्त्री बन्ने भएका छन् ।
