माघ ०७ काठमाण्डौ । प्रतिनिधि सभाको उप सभामुखमा राष्ट्रिय स्वतन्त्र पार्टीकी इन्दिरा रानामगर निर्वाचित भएकी छन् । शनिबार दिउँसो सम्पन्न निर्वाचनबाट राष्ट्रिय स्वतन्त्र पार्टीकी सांसद रानामगर निर्वाचित भएकी हुन् । उनकीे निटतम प्रतिद्वन्द्वी नेपाली कांग्रेसकी मुक्ताकुमारी यादव पराजीत भएकी छिन ।
शनिबारको संसद् बैठकमा कुल २ सय ६४ जना सांसद उपस्थित रहेको सभामुख देवराज घिमिरेले जानकारी गराएका छन । प्रतिनिधिसभाको शनिबारको बैठकमा भएको निर्वाचनमा रानामगरले १ सय ६६ मत पाएर वीजयी भएकी हुन । त्यस्तै, उनको विपक्षमा ९७ मत र मत दिन्नँ भन्नेमा एक मत परेको छ ।
सत्ता साझेदार दलतर्फकी उम्मेदवार रानामगरलाई राष्ट्रिय स्वतन्त्र पार्टीकी सोविता गौतमले प्रस्ताव गरेकी थिइन् । नेकपा एमालेका कृष्णगोपाल श्रेष्ठ, नेकपा माओवादी केन्द्रकी नारायणी शर्मा र राप्रपाका राजेन्द्र लिङ्देन समर्थक थिए । प्रतिनिधिभा सभामुखमा बिहीबार एमालेका सांसद देवराज घिमिरे निर्वाचित भइसकेका छन् ।
