धनगढी – सुदूरपश्चिम प्रदेशका मुख्यमन्त्री राजेन्द्र सिंह रावलले सुदूरपश्चिम प्रदेश सभा स्थापना दिवसको अबसरमा शुभकामना व्यक्त गरेका छन् । मुख्य मन्त्री रावलले प्रदेश सभा स्थापना दिवसको अवसरमा देश, विदेशमा रहनु भएका सम्पूर्ण सुदूरपश्चिमबासी दाजुभाइ तथा दिदीबहिनीमा शुभकामना व्यक्त गरेका हुन ।
उनले प्रदेश स्थापनाको अभियानमा प्रत्यक्ष वा परोक्षरुपमा अमूल्य योगदान पु¥याउनु हुने सम्पूर्ण महानुभावहरु प्रति उच्च सम्मान व्यक्त गर्दैे राष्ट्र , राष्ट्रियता , राष्ट्रिय स्वाधीनता ,सार्वभौम सत्ताको रक्षा र राष्ट्रिय स्वाभिमानका लागि शहादत गर्नुहुने ज्ञात–अज्ञात शहीद प्रति श्रद्धाञ्जली अर्पण समेत गरेका छन् ।
शुभकामना सन्देश जारी गर्दै उनले नेपालको संविधान २०७२ जारी भई मुलुकमा संघीय लोकतान्त्रिक गणतन्त्रात्मक प्रणाली लागु भए पश्चात २०७४ साल माघ ७ गतेका दिन पहिलो सुदूरपश्चिम प्रदेश सभाको कार्यकाल प्रारम्भ भएको एतिहासिक दिवस मनाइरहँदा सुदूरपश्चिम प्रदेश सभा स्थापना अभियानमा प्रत्यक्ष वा परोक्षरुपमा अमूल्य योगदान पु¥याउनुहुने समस्त महानुभावहरुप्रति उच्च सम्मान व्यक्त गरेका छन ।
वर्तमान सरकारले न्यूनतम कार्यक्रमहरुको निर्माण गरी प्रदेशमा औद्यौगिकीरण, रोजगारीका अवसरको सृजना ,विकास निर्माण , सुशासनको अनुभूति , स्वालम्बन तथा आत्मनिर्भर प्रदेशको स्थापना ,स्वदेशी तथा विदेशी लगानीलाई सुरक्षा र आर्कषणको प्रत्याभूति ,गास बास कपास ,शिक्षा स्वास्थ्य, सुरक्षा जस्ता आधारभूत आवस्यकताको व्यवस्था लगायत प्रदेशको विविध सामाजिक , आर्थिक र भौतिक विकासका सम्पूर्ण प्राथमिक विषयहरुमा प्रतिपक्ष दललाई समेत साथमा लिई सामाजिक न्यायमा आधारित लोककल्याणकारी प्रदेशको रुपमा सुदूरपश्चिम प्रदेशलाई स्थापित गर्ने प्रतिबद्धता समेत उनले जाहेर गरेका छन ।
