असोज ०५ काठमाण्डौ । देशभरमा थप ८१ जनामा कोरोना भाइरस संक्रमणको पुष्टि भएको छ । पछिल्लो २४ घण्टामा परीक्षण गराइएका ३ हजार ४ सय ४७ नमूनामध्ये ८१ जनामा कोरोना भाइरसको संक्रमण पुष्टि भएको हो ।
पछिल्लो २४ घण्टामा १ हजार ९७ नमूनाको पीसीआर र २ हजार ३ सय ५० नमूनाको एन्टिजेन विधिबाट परीक्षण भएको थियो । जसमध्ये पीसीआरबाट ३९ र एन्टिजेन विधिबाट ४२ गरी कूल ८१ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
बुधबार थप १ सय ७५ जना कोरोना संकमणबाट निको भएको स्वास्थ्य मन्त्रालयले जनाएको
छ । बुधवार कोरोनाबाट मृत्यु हुनेको संख्या शून्य रहेको छ । हाल कोरोना सक्रिय संक्रमितको संख्या १ हजार ४ सय ८३ रहेको स्वास्थ्य मन्त्रालयले जनाएको छ ।
