भदौ ०६ काठमाडौं । पछिल्लो २४ घण्टामा देशभर थप ६ सय ५८ जनामा कोरोना भाइरस संक्रमणको पुष्टि भएको छ । तीन हजार ३ सय ८१ पीसीआर परीक्षणमा ४ सय ५ जना र तीन हजार २ सय ६२ एन्टिजेन परीक्षणमा २ सय ५३ जना गरी ६ सय ५८ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको हो ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा कोरोना संक्रमणबाट १ जनाको मृत्यु भएको छ ।
त्यस्तै ४ सय ५६ जना कोरोनाबाट संक्रमणमुक्त भएका छन् । हाल देशभर चार हजार २ सय ९६ जना कोरोनाका सक्रिय संक्रमित रहेका छन् ।
स्वास्थ्य मन्त्रालयका अनुसार ४ हजार १ सय ३४ जना होम आइसोलेसनमा रहेका छन् भने १ सय ६२ जना संस्थागत आइशोलेशन र ५० जना आईसीयूमा रहेका छन् । त्यस्तै १ जनाको भेन्टिलेटरमा उपचार भइरहेकोे छ ।
सोमबार थपिएसँगै नेपालमा कोरोना संक्रमितको कुल संख्या ११ लाख ४४ हजार ९ सय ४० पुगेको स्वास्थ्य तथा जनसंख्या मन्त्रालयको तथ्याङ्कले देखाएको छ ।
