साउन १५ धनगढी । आर्थिक वर्ष २०७८÷७९ मा कैलाली भन्सार कार्यालयले नौ अर्ब ५८ करोड २६ लाख ५० हजार रुपैया राजश्व सङ्कलन गरेको छ। ११ अर्ब ८२ करोड ३९लाख १७ हजार लक्ष्य लिएको कैलाली जिल्ला भन्सार कार्यालयले नौ अर्ब ५८ करोड २६ लाख ५० हजार राजश्व सङ्कलन गरेको भन्सार कार्यालयले जानकारी गराएको हो ।
कार्यालयका अनुसार भन्सार महशुल तर्फ तीन अर्ब ५६ करोड ५५ लाख ७८ हजार रुपैया , मूल्य अभिवृद्धि करतर्फ तीन अर्ब ८६ करोड ४० लाख आठ हजार रुपैया , अन्तः शुःल्कतर्फ २३ करोड ९९ लाख ३६ हजार रुपैया र अन्य शीर्षकतर्फ एक अर्ब ९१ लाख ३१ लाख २८ हजार राजस्व असुली भएको छ।
कार्यालयले मूल्य अभिवृद्धि कर तर्फ तीन अर्ब १० करोड १५ लाख ७७ हजार रुपैया , भन्सार महशुल तर्फ पाँच अर्ब २२ करोड ४० लाख ६३ हजार रुपैया, अन्तःशुल्क तर्फ रु २८करोड ७६लाख ६ सय ३१ रुपैया र अन्य शीर्षक तर्फ तीन अर्ब २१ करोड छ लाख ४६ हजार राजश्व असुली गर्ने लक्ष्य लिएको थियो।
कैलाली भन्सार कार्यालयले लिइएको लक्ष्यमा गएको माघ महिनामा सबै भन्दा कम ६९ दशमलब ५२ प्रतिशत र सबैभन्दा बढी गएको साउन महिनामा ८९ दशमलब आठ प्रतिशत असुली भएको जानकारी गराएको छ ।
