एजेन्सी । युक्रेनका राष्ट्रपति भोलोदिमिर जेलेन्स्कीले नर्ड स्ट्रिम–२ पाइपलाइनलाई रुसले ‘भू–राजनीतिक हतियार’को रुपमा प्रयोग गरेको बताएका छन् ।
जेलेन्स्कीले सोमबार युक्रेनको भ्रमणमा आएका जर्मन चान्सलर ओलाफ सोल्सलाई रुसले नर्ड स्ट्रिम–२ नामक ग्यास पाइपलाइनलाई भू–राजनीतिक हतियारको रुपमा प्रयोग गरेको बताएका हुन् ।
‘यो (पाइपलाइन) भू–राजनीतिक हतियार हो भनेर हामीलाई प्रस्ट थाहा छ’, जेलेन्स्कीले भने । रुस र जर्मनीबीचको ऊर्जा सम्बन्रुधबारे युक्रेनसँग केही असहमति भएको पनि उनको भनाइ थियो ।
सोल्सले जेलेन्स्कीसँगको कुराकानीका क्रममा युक्रेनमाथि हमला गरे रुसलाई दण्डित गरिने बताएको फ्रान्स२४ समाचार माध्रुयमले जनाएको छ । आफूहरूले चाल्ने कदमबाट रुसी अर्थतन्त्रको विकासमा निकै ठूलो असर पर्ने पनि उनको भनाइ थियो ।
युक्रेनलाई बाइपास गर्दै बनाइएको नर्ड स्ट्रिम–२ पाइपलाइनका कारण वाशिङ्टन र किएभसँग जर्मनीको मतभेद रहँदै आएको छ । रुसबाट बाल्टिक सागर हुँदै युरोपमा ग्याँस पु¥याउने उक्त पाइपलाइनलाई जर्मनीले हालसम्म प्रयोगको अनुमति भने दिएको छैन ।
अमेरिकी राष्ट्रुपति जो बाइडेनले रुसले युक्रेनमाथि हमला गरे उक्त पाइपलाइन बन्द गर्ने गरी कदम चाल्ने चेतावनी दिइसकेका छन् ।
यसैबीच, जर्मन चान्सलर सोल्सले युक्रेनको भ्रमण लगत्तै मंगलबार रुसको भ्रमण गरेका छन् । पूर्वी युरोपमा युद्ध रोक्ने प्रयास स्वरुप उनी रुस गएका हुन् । भ्रमणका क्रममा उनले रुसी राष्ट्रपति भ्लादिमिर पुटिनसँग कुराकानी गरी सम्भावित युद्ध रोक्ने प्रयास गर्नेछन् ।