फागुन १९ धनगढी । धनगढीका उद्योग व्यवसायीहरूले सुदूरपश्चिम प्रदेशको मुख्यमन्त्री कार्यालय अगाडी धर्ना दिएका छन् । बैँक तथा बित्तियसंस्थाहरुले बढाएको चर्को ब्याजदर बिरुद्ध लगातार आन्दोलनमा रहेका उद्योग व्यवसायीहरूले शुक्रबार प्रदेशको मुख्यमन्त्री कार्यालय अगाडी धर्ना दिएका हुन् ।
बैङको चर्को ब्याजदर फिर्ता गर्न माग गर्दे उनीहरुले प्रदर्शन समेत गरेका छन् । बिहीबार धनगढीका उद्योग व्यवसायीहरूले नो डिपोजिट भन्दै बैङ्क बन्द गराएका थिए । बैंक तथा वित्तीय संस्थाको ब्याजदर विरुद्ध सुदूरपश्चिमका व्यवसायी आक्रामक बन्दै गएका छन् । व्यवसायीहरुले धनगढीमा दैनिक बिहान ९ बजे देखि ११ बजेसम्म बजार बन्द गर्दै आन्दोलन गर्दै आएका छन् ।
राष्ट्र बैंकको मौद्रिक नीति परिमार्जन गर्नुपर्ने माग सुनुवाई नभए चैत १ गतेबाट कडा आन्दोलन गर्न बाध्य हुने कैलाली उद्योग वाणिज्य संघका अध्यक्ष पुष्पराज कुँवरले चेतावनी दिएका छन् ।
