पौष १७ धनगढी । सुदूर पश्चिम प्रदेश स्तरीय नृत्य र गायन विधाको प्रतियोगिता वाईवाई एसईई आईडल आजबाट सुरु भएको छ । आईडलको उद्घाघाटन कार्यक्रम हिलवर्ड ईङलिश बोर्डिङ. स्कूलको संयोजनमा आजबाट धनगढीको बुद्ध मन्दिरमा सम्पन्न भएको छ । कार्यक्रमको संचालन गुणाकर पनेरुले गरेका थिए ।
सुदूर पश्चिमका कुना काप्चामा लुकेर रहेका नृत्य र गायन प्रतिभा उजागर गर्ने उद्देश्यले आयोजित यस प्रतियोगिताका २५ वटा अडिसनहरु वि.सं. २०८० को जेष्ठ महिना सम्म सुपका ९ जिल्लामा आयोजना हुने छन् । अडिसनमा सहभागीहरुले गरेका नृत्यहरु मध्ये उत्कृष्ट २० र गायन प्रस्तुती मध्ये उत्कृष्ट १० प्रस्तुतीलाई २०८० असार २ मा धनगढीमा हुने फाईनलमा समावेश गरिने छ ।
नृत्य तर्फको विजेता र उप–विजेताले नगद पुरुस्कार क्रमशः रु. ५० हजार र रु. २५ हजार सहित ट्रफि पाउने आयोजकले जनाएको छ । विभिन्न गिफ्ट ह्याम्पर पुरुस्कार पनि पाउने छन भने गायन तर्फको विजेता र उप–विजेताले नगद पुरुस्कार क्रमशः रु २० हजार र रु. १० हजार सहित ट्रफि, विभिन्न गिफ्ट ह्याम्पर पाउने छन ।
साथै दुवै विधाका विजेता र उप–विजेताहरुले कक्षा ११ मा छात्रवृत्ति पनि पाउने छन् । यस प्रतियोगितालाई सुदूरपश्चिम एकेडेमी र रेडिकल एकेडेमीको पनि सहयोग रहेको छ ।
