भारतले हरेक समयमा नेपालीलाई हेप्दै आएको छ । तर नेपालका दलालहरुले गर्दा नेपालीहरुको प्रतिष्ठा माथी आँच आउन थालेको छ । भारतीय दादागीरी विरुद्ध नेपालीहरु एकजुट हुन जरुरी छ । पटक पटक सिमा अतिक्रमण गर्दै आएको भारतले अहिले फेरी महाकालीमा एकतर्फी तटबन्ध बनाउन थाले पछि नेपाली नागरिकहरुले विरोध जनाउनु स्वभाविक हो ।
तर नेपालका शासकहरुले क शब्द बोल्न नसक्नु दुखद विषय हो । राष्ट्रिय स्वतन्त्रपार्टीका अध्यक्ष रबी लामीछानेले विरोध जनाई सके पछि नेपाल सरकारले भारतलाई कुटनीतिक नोट पठाउनु शर्मनाक विषय हो । सरकारले महाकाली नदी अतिक्रमण गरी एकतर्फी रुपमा भइरहेको तटबन्ध निर्माण तुरुन्त रोक्न भारतलाई कुटनीतिक नोट पठाएको छ ।
यती गर्नु पनि स्वागत योग्य कदम हो । परराष्ट्र मन्त्रालयले काठमाडौंस्थित भारतीय राजदूतावास मार्फत सीमानदी महाकालीलाई नेपाली भूमितर्फ धकेल्ने गरी भइरहेको तटबन्ध निर्माण र सोही विषयलाई लिएर वारि दार्चुलामा रहेका नेपाली नागरिकहरूमाथि भारतीय पक्षबाट भएको ज्यादतीलाई लिएर कुटनीतिक नोट पठाउनु सकारात्मक कुरा हो ।
सीमानदी महाकालीमा एकतर्फी रुपमा भइरहेको तटबन्ध निर्माण कार्य रोक्न, सीमाक्षेत्रमा निर्माण कार्य गर्दा नेपालसँग पहिले सल्लाह गरेर सहमति लिन र सीमाक्षेत्रमा शान्ति व्यवस्था खलबलिने गरी यस्ता घटना दोहोरिन नदिन भारतलाई सचेत गराउनु स्वभाविक हो । भारतले यसरी हेप्दै जाने हो भने भारतीय दादागीरी विरुद्ध सम्पूर्ण नेपालीहरु एक जुट हुन जरुरी छ ।
