कार्तिक १६ कञ्चनपुर । कञ्चनपुरको भीमदत्त नगरपालिका वडा नम्बर–४ का धनसिंह धामीले घरको छतमा ड्रागन फलको व्यावसायिक खेती गरेका छन् । तीन वर्ष अगाडि देखि घरको छतमा ड्रागन फलको खेतीमा लागेका उनले अहिले फल बेचेर मनग्य आम्दानी गरेका छन् । तीन वर्ष अगाडि ड्रागन फलका बारेमा सुनेको बताउदै उनले खेती गर्ने इच्छा जाग्यकाले सुरुमा कौसीमै खेती गर्ने योजना बनाएको बताए । तीन–चार महिनाको अध्ययन ेपछि घरको छतमै ड्रागनको बोट रोपेको उनले बताए ।
ड्रागन खेती अहिले परिवारको जीविकोपार्जन गर्ने स्रोत बनेको बताउदै उनले व्यवसाय राम्रै चलेको बताए । फलको माग धेरै आउने गरेको छ यो सिजनमा मैले ७० हजार बराबरको फल बिक्री गरिसकेको छु, यसैबाट परिवारको खर्च जुटाई रहेको छु उनले भने । सुरुमा भारतको गुजरातबाट ड्रागनको ३० वटा बिरुवा ल्याएर घरको छतमा लगाएको बताउदै उनले छतमा उत्पादन भएको यसको फलको प्रत्येक बिरुवा पाँच सयका दरले बिक्री गर्ने गरेको बताए ।
ड्रागनको फल र बिरुवा दुवै बिक्री गर्ने गरेको बताउदै उनले फलको प्रतिकेजी एक हजारको दरले बेच्ने गरेको बताए । उनले बारीमा आठ सय ग्रामसम्मको फल लागेका समेत बताएका छन । उनले यसपटक कौसीमा लगाएको ड्रागन फलको बारीमा डेढ क्विन्टल फल उत्पादन भएको बताए । भारतबाट भित्रिने फलभन्दा स्वदेशमै उत्पादन भएको फलको स्वाद राम्रो हुने गरेको बताउदै उनले चिसो मौसममा भने उत्पादन नहुने जानकारी गराए ।
पछिल्लो समय ड्रागनको फल र बिरुवाको माग अत्यधिक भएकाले पु¥याउन मुस्किल हुने गरेको बताउदै उनले अर्काको मुलुकमा श्रम बेच्नुभन्दा स्वदेशमै आफ्नै उद्यम गरेर विदेशको जस्तै मनग्य आम्दानी गर्न सकिने बताउनु भयो । उनले त्यसका लागि सरकारले पनि युवालाई स्वदेशमै कृषिमा जोड्ने कार्यक्रम ल्याउनु आवश्यक रहेको बताए ।
