चैत्र २६ धनगढी । कैलालीको टीकापुर नगरपालिकाले घरबाट निस्केका फोहरलाई वर्गीकरण गरेर राख्न आग्रह गरेको छ । फोहरलाई घरभित्रबाट अलग अलग गरेर राखिएमा व्यवस्थापनमा सहयोग पुग्ने भएकाले नगरपालिकाले र्गीकरण गरेर राख्न आग्रह गरेको हो ।
नगरपालिकाले टोल, बस्ती तथा बजार क्षेत्रमा जनचेतनामूलक कार्यक्रम सञ्चालन गरेको छ । “सबै प्रकारको फोहर एकै ठाउँमा हुँदा त्यस्को व्यवस्थापनमा चुनौती मात्रै नभई, सुरक्षाका दृष्टिकोणले पनि सरसफाइकर्मीलाई समस्या हुने गरेको नगरपालिकाका सरसफाइ शाखा प्रमुख लोकबहादुर बुढाले बताए ।
“त्यसो नहोस् भन्नका लागि नागरिकहरूलाई फोहरको वर्गीकरण गर्न सिकाइ हुने गरी गाउँटोलमा जनचेतनामूलक कार्यक्रम सञ्चालन गरिएको उनले बताए । टीकापुर नगरपालीका वडा नम्बर–२ विजयनगरकी सुनिता विकले अबका दिनमा फोहरको वर्गीकरण घरबाट गर्ने जानकारी गराईन । त्यसैगरी आरती थापाले नगरपालिकाले ठाउँठाउँमा फोहर सङ्कलनको व्यवस्थापन गनुै पर्ने सुझाव दिईन ।
