चैत्र २६ कञ्चनपुर । कञ्चनपुर कारागारमा कैदीबन्दी बीच झडप भएपछि १५ जनाको स्थानान्तरण गरिएको छ । बुधबार आपसी मनमुुटावको विषयमा दुई पक्षबीच झडप हुँदा पाँच जना घाइते भएपछि १५ जनाको स्थानान्तरण गरिएको हो । झडपमा परी घाइते भएका तीन जना सहित १५ जनालाई बुधबार नै नौबस्ता कारागार बाँके स्थानान्तरण गरिएको कञ्चनपुर कारागार प्रशासनले जानकारी गराएको हो ।
जेलर हेमन्ती साउँदले स्थानान्तरणको प्रक्रिया पु¥याएर नौबस्ता सरुवा गरिएको जानकारी गराईन । बुधबारको झडपमा घाइते भएका भुवन नाथ, भुवन ऐर र प्रकाश घरेडी सहितका १५ जनालाई नौबस्ता पठाइएको उनले बताईन । झडपका क्रममा घाइते भएका अन्य दुुई जना दाजुु दमाई र आयुश बम कञ्चनपुरमै रहेको उनले बताईन ।
महाकाली प्रादेशिक अस्पतालमा उपचार पछि उनीहरु पनि डिस्चार्ज भइसकेका छन् । कञ्चनपुर कारागारमा यसअघि गत पुसमा कैदीबन्दी बीच झडप भएको थियो । कारागार भित्र बाहिरबाट मदिरा तथा लागूऔषध भित्र्याउने र महंगोमा कारोबार गरेको विषयमा कारागार चौकीदार र नाइकेबीच विवाद भएको थियो । सोही विवादका क्रममा झडप भएको बताइएको छ । जेलर साउदले भने बुुधबारको झडपको कारण ‘आपसी विवाद’ भएको बताएकी छिन । अन्य कुरा सुनिए पनि पुष्टि हुन नसकेको उनले बताएकी छिन ।
