चैत्र २५ दार्चुला । प्रतिनिधिसभा सदस्य तथा श्रम संस्कृति पार्टीका अध्यक्ष हर्क साम्पाङले दार्चुला पुगेर झोलुङ्गे पुलको शिलान्यास गरेका छन् । दार्चुलाको व्यास गाउँपालिका वडा नम्बर–२ दुम्लिङस्थित घट्टेखोलामा साम्पाङले झोलुङ्गे पुलको शिलान्यास गरेका हुन ।
नेपाल–भारत सीमामा पर्ने महाकाली नदीमा पुल निर्माणको चर्चा भइरहेका बेला सीमा नजिकैको घट्टेखोलामा पुल शिलान्यास गरिएको हो । साम्पाङको टोलीले श्रमदान मार्फत नै पुल निर्माण गर्ने योजना अघि सारेको जनाएको छ । व्यास गाउँपालिकाका अध्यक्ष मंगलसिंह धामीका अनुसार महाकाली नदीभन्दा केही सय मिटर टाढा रहेको आन्तरिक खोलामा पुल निर्माण गर्न लागिएको हो ।
उक्त स्थानमा यसअघि काठे पुल रहेको बताइएको छ । त्यसैगरी दार्चुलाका प्रमुख जिल्ला अधिकारी अनिल पौडेलले पनि नेपालकै आन्तरिक खोलामा पुल निर्माणको शिलान्यास गरिएको बताएका छन ।
शिलान्यास कार्यक्रममा साम्पाङले आफू राजनीतिक उद्देश्य भन्दा माथि उठेर दार्चुलाबासीलाई राहत दिन पुल निर्माणमा जुटेको बताए । समस्या समाधानका लागि राईले महाकालीमा पुल निर्माण गर्ने भनेर प्रचार गरेर आर्थिक संकलन गरे पनि घट्टेखोलामा पुलको शिलान्याश गरेका हुन् ।
