चैत्र १९ बेतडी । बैतडीको पुर्चौडी नगरपालिकामा एक जना स्कुले किशोरी मृत अवस्थामा भेटिएकी छिन । पुर्चौडी नगरपालिका वडा नम्बर–३ न्वादेउ पोखरा घर भई वडा नम्बर ४ भटनास्थित मालिका माध्यमिक विद्यालयमा कक्षा ९ मा अध्ययनरत छात्रा गमला पार्की मृत अवस्थामा भेटिएकी हुन ।
उनको रहस्यमय मृत्युले स्थानीय क्षेत्र शोकमा डुबेको छ । विद्यालय र आसपासको वातावरण समेत स्तब्ध बनेको छ । परिवारजनमा गहिरो पीडा छाएको छ । घटनाको प्रकृतिलाई लिएर स्थानीयवासीले गम्भीर चासो व्यक्त गर्दै निष्पक्ष छानबिनको माग गरेका छन् ।
स्थानीयहरूले घटनाको सत्यतथ्य छिटो सार्वजनिक गर्न र दोषी पाइए कडा कारबाही गर्न सम्बन्धित निकायसँग आग्रह गरेका छन् । प्रहरीले घटनाबारे प्रारम्भिक अनुसन्धान सुरु गरेको बताइएको छ । थप विवरण आउन बाँकी रहेको छ ।
