प्रदिप मलासी,फागुन २० बझाङ । जयपृथ्वी नगरपालिका वडा नम्बर–८ को सेलाखेत क्षेत्रमा मंगलबार राति करिब १० बजेको समयमा वडा अध्यक्ष लाकेन्द्र बोहराको समूह र अर्को विपक्षी टोलीबीच झडप हुँदा वडा अध्यक्ष घाइते भएका छन । मौन अवधिको समयमा अध्यक्ष लाकेन्द्र बोहराको समूह र अर्को विपक्षी टोलीबीच झडप हुँदा वडा अध्यक्ष घाइते भएका हुन ।
जिल्ला प्रहरी कार्यालय बझाङले झडपमा वडा अध्यक्ष बोहरा घाइते भएको जानकारी गराएको हो । मंगलबार राती स्थानीय युवाहरूले सरकारी मोटरसाइकल फेला परेको भन्दै भिडियो सामाजिक सञ्जालमा सार्वजनिक गरेका थिए ।
भिडियोमा मौन अवधिमा पैसाको चलखेल भइरहेको तथा मतदातालाई प्रभावित पार्ने प्रयास भएको आरोप लगाइएको थियो । प्रहरीका अनुसार झडपका क्रममा वडा अध्यक्ष बोहराको टाउकोमा चोट लागेको छ । सेलाखेत किन र के प्रयोजनका लागि गएका थिए भन्ने विषय अझै स्पष्ट भएको छैन ।
निर्वाचनको मौन अवधिमा प्रचार प्रसार लगायत गतिविधि बन्द भएको अबश्थामा सरकारी मोटरसाइकल प्रयोग भएको भन्दै स्थानीय युवाहरू आक्रोशित भएका थिए । घटनाका विषयमा जयपृथ्वी नगरपालिकाका मेयर चेतराज बजालसंग बुझ्दा उनले घटना सम्बन्धमा जानकारी नभएको बताए ।
सरकारी बाईक लगेर राति नजानु पर्ने उनले बताएका छन । सरकारी बाईक चुनावी प्रचारप्रसार र मौन अवधिमा त्यसैमा रातीको समयमा प्रयोग गर्न नहुने बताउदै उनले किन र के कारणले सरकारी बाईक प्रयोग गरियो, सेलाखेत रातीको समयमा जानुको कारण के हो भन्ने विषयमा कुनै जानकारी नभएको उनले बताए ।
स्थानीयले घटनाको निष्पक्ष छानबिन गर्न माग गरेका छन् । प्रहरीले भने पीडित पक्षबाट उजुरी आए कानुनी प्रक्रिया अनुसार कारबाही गरिने जानकारी ग राएको छ ।
