फागुन १३ धनगढी । सुदूरपश्चिम प्रदेशका मुख्यमन्त्री कमलबहादुर शाहले शहीद दशरथ चन्द स्वास्थ्य विज्ञान विश्वविद्यालय सञ्चालन पश्चात प्रदेशका जनताले स्तरीय स्वास्थ्य सेवा पाउने बताएका छन ।
बुधबार मुख्यमन्त्री शाह र विश्वविद्यालयका पदाधिकारीहरु बीच विश्वविद्यालय सञ्चालनका सम्बन्धमा भएको छलफलमा उनले यस्तो बताएका हुन् । छलफलमा मुख्यमन्त्री शाहले सुदूरपश्चिम प्रदेशका जनतामा स्तरीय स्वास्थ्य सेवाको पहुँच पु¥याउनका लागि विश्वविद्यालय छिटो सञ्चालन गर्नुपर्नेमा जोड दिएका थिए ।
उनले विश्वविद्यालय जनताको स्वास्थ्य र शिक्षासँग प्रत्यक्ष रुपमा जोडिएकाले यसको सञ्चालनका लागि सरकार तयार रहेको र सरकारका तर्फबाट गर्नुपर्ने आवश्यक सहयोग गर्न तयार रहेको बताए । विश्वविद्यालयको पूर्वाधार विकास, जनशक्ति व्यवस्थापन तथा शैक्षिक कार्यक्रम विस्तारबारे समेत छलफल भएको बताइएको छ ।
छलफलमा विश्वविद्यालयका उपकुलपति प्रा.डा. सुनिलकुमार जोशी, रजिस्ट्रार प्रा.डा. खेमराज जोशी, मुख्यमन्त्री तथा मन्त्रिपरिषद्को कार्यालय प्रमुख सचिव वैकुण्ठप्रसाद अर्याल लगायतका पदाधिकारीहरूको सहभागिता रहेको थियो ।
