फागुन १३ कञ्चनपुर । कञ्चनपुरको शुक्लाफाँटा नगरपालिका वडा नम्बर–८ स्थित धार्मिक पर्यटकीय क्षेत्र मुडका (मणिका धाम)मा पहिलोपटक नियमित विद्युत् सेवा पुगेको छ । यस अघी भक्तजन अँध्यारोमा पूजाआराधना गर्न बाध्य भको अबश्थालाई मध्येनजर गर्दे नेपाल विद्युत् प्राधिकरण महेन्द्रनगर वितरण केन्द्रले करिब ६५ लाखको लागतमा मुडका देखि धारापानीसम्म करिब पाँच किलोमिटर क्षेत्रमा ८२ पोल जडान गरी ‘ट्रान्सफर्मर’ स्थापना गरेर विद्युत् आपूर्ति सुरु गरे पछि पहिलोपटक नियमित विद्युत् सेवा पुगेको हो ।
पोल गाड्ने, तार तान्ने, इन्सुलेटर जडान गर्ने र ट्रान्सफर्मर राख्ने सम्पूर्ण काम ठेक्का प्रक्रिया मार्फत सम्पन्न गरिएको बतार्ईएको छ । विद्युत् सेवा विस्तारसँगै मन्दिर परिसर, नवनिर्मित भजनघर तथा आसपासका क्षेत्रमा बल्ब जडान गरी क्षेत्र झिलीमिली बनाइएको छ । यसअघि साँझपख पूजा, आरती र धार्मिक कार्यक्रम सञ्चालन गर्न कठिनाइ हुने गरेकामा अब सहज भएको स्थानीयवासीले बताएका छन ।
वडा नम्बरं ९ का अध्यक्ष रमेशबहादुर ऐरले विद्युत् सेवा विस्तारले धार्मिक गतिविधि सञ्चालनमा सहजता ल्याएको बताए । पहिले अँध्यारोका कारण भक्तजनले सास्ती खेप्नुपरेको बताउदै उनले मन्दिर परिसर उज्यालो बनेप िसहज भएको बताए । धाम क्षेत्रका पूर्वध्यक्ष भरतबहादुर ऐरले विद्युत् सेवा पुगेपछि धाम क्षेत्रमा हुने धार्मिक कार्यक्रम, सत्सङ्ग तथा भजनकीर्तन रातिको समयमा पनि व्यवस्थित रूपमा सञ्चालन गर्न सकिने बताए ।
धार्मिक तथा पर्यटकीय दृष्टिले महत्त्वपूर्ण मानिएको मणिका धाममा हरेक वर्ष फागुन शुक्ल पक्षको नवमीको राति र दशमीको दिन परम्परागत मेला (जाँत) लाग्ने गरेको उनले बताए । यस वर्ष फागुन १३ र १४ गते मेला आयोजना गरिएको उनले बताए । बैजनाथ बाबाको दर्शन गर्दा इच्छित फल प्राप्त हुने विश्वासले नेपाल र भारतका हजारौँ दर्शनार्थी आउने गरेको उनले बताए । झिलीमिली उज्यालोले मणिका धामलाई अझ आकर्षक बनाएको बताउदै उनले पर्यटन प्रवद्र्धनमा टेवा पुग्ने बताए ।
विद्युत् सेवा विस्तारसँगै यस वर्षको मेलामा रातिको समयमा आउने भक्तजनले अँध्यारोको सास्ती खेप्न नपरेको उनले बताए । विद्युत् सेवा विस्तारसँगै धार्मिक कार्यक्रम, रातको पूजा, मेला सञ्चालन र स्थानीय व्यापार–व्यवसायमा नयाँ ऊर्जा थपिएको उनले बताए ।
