फागुन ०४ बैतडी । बैतडीमा भालुको आक्रमणबाट एक जना महिला घाइते भएकी छन् । बैतडीको मेलौली नगरपालिका वडा नम्बर–४ तितावै तालकी ३५ बर्षीया सुनिता चन्द भालुले आक्रमणबाट घाईते भएकी हुन । चन्दलाई सोमबार बिहान ८ बजेतिर भालुले आक्रमण गरेको हो ।
खानेपानीको पाइपमा पानी नआए पछि मूहानमा पानी हेर्न जाँदा चन्दलाई भालुले आक्रमण गरेको जिल्ला प्रहरी कार्यालय बैतडीका प्रवक्ता प्रहरी निरीक्षक सुरज सिंहले जानकारी गराए ।
उनलाई खानेपानी मूहान भएको ठाउँ चम्साल नपुग्दै भालुले आक्रमण गरेको उनले जानकारी गराए । भालुको आक्रमणबाट घाइते भएकी चन्दलाई उपचारका लागि धनगढी लगिएको प्रहरी निरीक्षक सिंहले जानकारी गराए ।
