फागुन ०४ धनगढी । कैलालीको गोदावरी र चुरे गाउँपालिकाको सीमाना भीमदत्त राजमार्गमा टिपर र मोटरसाइकल एक आपसमा ठोक्किदा एक जनाको मृत्यु भएको छ ।
सोमवार खानीडाँडा पिकनिक पार्क नजिक टिपर र मोटरसाइकल एक आपसमा ठोक्किदा भएको दुर्घटनामा मोटरसाइकल सवार धनगढी उपमहनगरपालीका वडा नम्बर– ४ बोराडाँडी घर भएका ५५ वर्षीय शिव बमको मृत्यु भएको हो । ईलाका प्रहरी कार्यालय मालाखेतीले दुर्घटनामा बमको मृत्यु भएको जानकारी गराउदै गराएको छ ।
धनगढीबाट चुरेतर्फ गइरहेको मधेश प्रदेश ००३–००१क ३११७ नम्बरको टिपर र बाग्मती प्रदेश ०२– ०३५प ३८०२ नम्बरको मोटरसाइकल एक आपसमा ठोक्किदा दुर्घटना भएको प्रहरीले जनाएको छ । घटना लगत्तै घाइतेहरूलाई सेती प्रादेशिक अस्पताल ल्याइएकोमा ५५ वर्षीय बमको मृत्यु भएको प्रहरीले जानकारी गराएको छ ।
डडेल्धुराको अमरगढी नगरपालीका वडा नम्बर–१ घर भएका टिपर चलाक हिक्मत दियाललाई प्रहरीले नियन्त्रणमा लिएको जानकारी गराउदै प्रहरीले घटनाको अनुसन्धान भइरहेको जानकारी गराएको छ ।
