फागुन ०१ बाजुरा । बाजुरामा भोट भाषामा पढाइ सुरु गरिएको छ । बाजुराको बुढीनन्दा नगरपालिका वडा नम्बर–९,डप्कमा रहेको सिद्धेश्वरी अनाथ विपन्न तथा दलित जनजाति आवासीय विद्यालयमा भोट भाषामा पढाइ सुरु गरिएको हो । सिद्धेश्वरीमा प्राय भोटे समुदायका बालबालिकाहरू पठन पाठन गर्ने गरेकाले विद्यालयले उनीहरूलाई त्यही आवासमा राखेर भोट भाषामा पढाइ सुरु गरेको हो । पछिल्लो समय भोटभाषा लोप हुँदै गएको भन्दै विद्यालयले त्यसलाई जगेर्ना गर्ने गरी भोटभाषामा पढाइ सुरु गरेको विद्यालयले जनाएको छ ।
सरकारी काम काजमा प्राय राष्ट्रिय भाषा बोल्ने गरेको भए पनि अघिपछि उनीहरूले भोटभाषामा नै बोलचाल गर्ने गरेका छन । भोटभाषा पढाउनका लागि विद्यालयले एक जना भोटभाषा अध्यन गरेको शिक्षक राखेर भोटभाषाको पढाइ गर्ने गरेको हो । २०७९ साल देखि यो विद्यालयले भोटभाषाको पढाइ सुरु गरेको हो । अहिले विद्यालयले कक्षा दुईसम्म भोट भाषाको किताब ल्याएर पढाइ गर्दै आएको छ ।
विद्यालयले यो भाषालाई अतिरिक्त क्रियाकपालपको रूपमा पढाउने गरेको छ । बिहान दस देखि चार बजे सम्म विद्यालयमा अरु अंग्रेजी र नेपाली भाषामा पढाइ हुन्छ भने बेलुकी पाँच बजे देखि छ बजेसम्म भोटभाषाको किताब पढाइ हुने गरेको सिद्धेश्वरी अनाथ विपन्न तथा ललित जनजाति आवासीय विद्यालयका प्राधानाध्यापक तुलाबहादुर रावतले बताए । विद्यालय बाजुराको एक मात्र जनजातिको विद्यालय भएको बताउदै उनले यसमा प्राय जनजातिका बालबालिकाहरू पढ्ने गरेका छन् ।
प्राधानाध्यापक रावतले पुराना पुस्ताले बोल्दै आएको भोटभाषा अहिलेको नयाँ पुस्ताले बोल्न छोड्दै गएको बताउदै विस्तारै भोटभाषा लोप हँदै गएकोले यसको जगर्नेनाका लागि विद्यलयले भोटभाषामा पढाइ सुरु गरेको बताए । त्यसैगरी विद्यालय व्यवस्थापन समितिका अध्यक्ष प्रेमसिह गुरुङलेबाबु बाजेले प्राय भोट भाषा बोल्ने र पढ्ने गरेको बताउदै उनले अहिलेको पुस्ताले प्राय भाषा बोल्नै छोडेकोले लोप हुने डरले विद्यालयमा भोटभाषामा पढाई सुरु गरेको बताए ।
भाषा लोप हुँदै गएकाले यसलाई बचाउनका लागि अहिलेको नयाँ पुस्तालाई भोट भाषा सिकाउन अनिवार्य भएको बताउदै उनले भोटभाषा लोप नहुने गरी विद्यालयमा भोटभाषाको पढाइ सुरु गरेको बताए । अहिले कक्षा दुइ सम्मको पढाइ भई रहेको बताउदै गुरुङले विस्तारै कक्षा दुइ देखि कक्षा पाँच सम्मको किताब ल्याएर पनि पढाउने तयारी रहेको बताए । विद्यालयमा अहिले झण्डै एक सय बीस जना बालबालिकाहरू पढ्ने गरेको बताउदै उनले ती मध्ये ६३ जना विद्यालयमा बसेर पढ्ने गरेको जानकारी गराए ।
