दिपक बिक, पौष २१ टिकापुर । टीकापुर महोत्सवको तयारी तिब्र रुपमा भईरहेको छ । हरेक बर्ष झै यस बर्ष पनि आयोजना गरिएको टीकापुर महोत्सवको तयारी तिब्र रुपमा भईरहेको हो । आयोजक टीकापुर उद्योग वाणिज्य संघले यहि पौष २९ गते देखि माघ ११ गते सम्म टीकापुर महोत्सव सञ्चालन गर्ने भएको छ ।
टिकापुर उद्योग वाणिज्यसंघका महासचिव प्रकाश तिमेल्सेनाले महोत्सवको तयारी ७५ प्रतिशत सम्पन्न भईसकेको जानकारी गराउदै बिगतमा पनि धर्म संस्कृति असर पार्ने किसिमका कलाकारलाई स्टेज नदिएको र यसपाली पनि नदिने बताए ।
महासचिब तिमिल्सेनाले कलाकारको टुंगो लागि सकेको बताउदै कलाकारमा दुर्गेश थापा,रचना रीमाल,प्रकाश सपुत,चक्र बम,टंक तिमिल्सेना,रेखा जोशी,लाल बहादुर धामी (अछामी बड्डो),पल शाह,एलिना चौहान,सान्त्ती श्री परीयार,अस्मिता अधिकारी,राज कुस्मी,अनिता चलाउने,अन्जु कुस्मी लगायतका काकलाकारको उपस्तिथि हुने जानकारी गराए ।
थारु समुदायको काला संस्कृति झल्काउनका लागि महोत्सवमा आकर्षण थारु गाउँ पनि संचालन हुने उनले बताए । थारु गाउँमा यस पटक ब्रान्डिङ गरेको मदिरा बिग्री बितरण गर्न रोक लगाएको बताउदै महासचिव तिमिल्सेनाले यस पटक आकर्षकको रुपमा मगर गाउँ नरहेको बताए ।
महोत्सवको उद्घाटन पौष २९ गते हुने र प्रमुख अतिथिको रुपमा प्रदेशका मुख्यमन्त्रीलाई ल्याउने बारे सल्लाह भैरहेको तिलेम्सेनले बताए । महोत्सव अवलोकन गर्न आउने दर्सकलाई मनोरञ्जन दिनका लागी प्रतेक दिन १–१ जना अतिथी कलाकार र बाकी स्थानीय कलाकारले प्रस्तुती दिने तिमेल्सेनाले जानकारी गराए ।
यस पटक टिकट दर विद्यार्थीलाई ५० र सर्वसाधारणलाई १ सय रहेको जानकारी गराउदै उनले अपांग÷एकल महिला बृद्ध बृद्धालाई कुनै शुल्क नलाग्ने ब्यबश्था गरिएको तिमेल्सेनाले जानकारी गराए । प्रतेक पटक झै यस पटक पनि अतिथी कलाकारलाई मायाको चिनो दिने ब्यवस्था गरिएको बताउदै उनले यस पटक अतिथी कलाकारलाई मायाको चिनो स्वरुप मालिका महिला उद्योगले उत्पादन गरेका अचार,मस्यौरा जस्ता परीकार दिने जानकारी गराए ।
