असोज २३ कञ्चनपुर । कञ्चनपुरको शुक्लाफाँटा नगरपालिका वडा नम्बर–७ का जगतबहादुर सिंहले पुख्यौली सिपका सदुपयोग गरेर घरमै उद्योग स्थापना गरेका छन ।
घरमै तान बनाएर सुरु गरिएको धागो कात्ने, कपडा बुन्ने र पोशाक तयार गर्ने पुख्र्यौली सीपलाई पुस्तान्तरण गर्दै उनले उद्योग स्थापना गरेका हुन । उद्योगमा उनले अल्लो, गाँजा, बाँस र ऊनका कपडा उत्पादन गर्ने गरेका छन । उनलाई अहिले कपडा उत्पादन र तयारी पोशाक बनाउन भ्याइ नभ्याइ हुने गरेको छ ।
चाडपर्वका कारण बजारमा माग बढेपछि श्रीमान, श्रीमती सहित परिवारका सदस्य कपडा बुन्न र सिलाउन व्यस्त भएको उनले बताए । सीपको सदुपयोग गरी उद्योग स्थापना गरिएपछि परिवार स्वरोजगार बनेको उनले बताए । दार्चुलामा हुँदा पुर्खाले राडी पाखीको काम गर्ने गरेको बताउदै सिहले पुर्खाबाट सीकेको सीपलाई सदुपयोग गर्न घरमै उद्योग स्थापना गरेको जानकारी गराए ।
तीन लाखको लगानीमा हाते मेसिनबाट सुरु गरेको उद्योगमा अहिले २० लाख लगानी पुगिसकेको बताउदै उनले अहिले चार वटा मोटर मेसिन थप गरेर उद्योगमा थप लगानी गरेको जानकारी गराए । एक जना भारतीय कामदार राखेको बताउदै उनले दुई छोरा, श्रीमती र आफुले पनि उद्योगमै काम गरीरहेको बताए ।
उद्योगबाट परिवारको खर्च चलेको बताउदै उनले सुरुवातका वर्षहरु भन्दा पछिल्ला वर्षमा तयारी कपडाको माग धेरै आउने गरेका ले सहज भएको बताए । पुख्र्यौली पेशा नै कपडा बुन्ने भएको बताउदै सिहले दार्चुलामा राडीपाखी बनाएर बिक्री गर्ने गरेको र २०४४ सालमा तराई बसाइ सरेको बताए ।
त्यसपछि पुख्र्यौली पेशाले निरन्तरता पाउन नसके पनि ३५ वर्षपछि पारिवारिक सल्लाह पछि पुनः आफ्नो कामलाई सुरुवात गरेको उनले बताए । सीप हुँदा हुँदै त्यतिकै बस्ुन भन्दा उद्योग स्थापना गरौं भन्ने पारिवारिक सल्लाह भएको बताउदै सिंहले त्यसपछि उद्योग स्थापना गरेको बताए ।
उद्योग स्थापना पछि हरेक वर्ष राम्रो आम्दानी हुदै गएको बताउदै उनले गत वर्ष मात्रै तीन लाख आम्दानी भएको बताए ।
घरमै उद्योग स्थापना गर्दा कामदारको समस्या भोग्नु परेको बताउदै उनले अहिले पनि उद्योगमा कामदार पाउन मुस्किल भएको बताए । भारतीय कारिगर मात्रै भएको बताउदै उनले देशभित्र मेहनत गर्ने बानी नभएकाले सबैमा विदेश मोह भएको बताए ।
स्वदेशमै कच्चा पदार्थ प्रशोधन गरेर धागो उत्पादन गर्ने गरेको बताउदै उनले केही कच्चा पदार्थ भने भारतबाट आयात गर्ने गरेको बताए । कपडा भन्दा तयारी पोसाकको माग धेरै आउने गरेकाले अहिले तयारी पोसाक उत्पादनमा जोड दिएको सिंहले बताए ।
स्थानीय उत्पादन टिकाउ पनि हुने र स्वास्थ्यका लागि पनि फाइदाजनक भको बताउदै उनले सुरुवातमा बजारमा समस्या भए पनि अहिले माग धेरै आउने गरेको बताए ।
प्राकृतिक फाइबरबाट निर्मित कपडा शरीरका लागि निकै फाइदाजनक मानिने बताउदै उनले यसको निर्माणका लागि अल्लो र गाँजाको धागो मात्रै उत्पादन हुने बताए ।
कटनका लागि भारतबाट धागो आयात गर्नुपर्ने झन्झट भएको बताउदै उनले यस्ता कच्चापदार्थ स्वदेशमै उत्पादन गर्न सके त्यसले घरेलु उद्योग सञ्चालनमा सहज हुने बताए ।
