बैशाख ०३ बैतडी । बैतडीको पाटनमा बुधबार देखि कृषि, पर्यटन, कला, संस्कृति, रोजगार तथा औद्योगिक व्यापार मेला एवं पाटन बैतडी महोत्सव सुरु भएको छ ।
नेपाल च्याम्बर अफ कमर्श बैतडीको आयोजना, पाटन नगरपालिकाको प्रवर्धन तथा क्वालिटी स्टील आल्मुनियम एण्ड युपिभीसीको मुख्य प्रायोजनमा महोत्सव सुरु भएको हो । च्याम्बर अफ कमर्श बैतडीका अध्यक्ष हरीशप्रसाद जोशीले बुधबार देखि श्रीकृष्ण माध्यामीक विद्यालय पाटनको मैदानमा महोत्सव सुरु भएको जानकारी गराए ।
उद्घाटन समारोहमा पाटन नगरका नगर प्रमुख गौरीसिंह रावल, प्रमुख जिल्ला अधिकारी दीर्घराज उपाध्याय, पाटन नगरका उपप्रमुख कमलसिंह बोहरा लगायतको उपस्थिति रहेको थियो । उद्घाटन पछि कलाकार मनोजसिंह धामी, गुणाकर पनेरु लगायतले प्रस्तुति राखेका थिए ।
बुधवार लोक देउडा कलाकार रेखा जोशी, रेश बिसी र स्थानीय कलाकारको प्रस्तुति रहेको बताईएको छ । बुबार देखि सुरु भएको प्रदेशस्तरीय महोत्सव वैशाख १० गतेसम्म सञ्चालन हुने आयोजकले जनाएको छ । महोत्सवमा स्थानीय कृषि उत्पादनलाई जोड दिने र स्थानीय कलाकारलाई प्रोत्साहन गरिने च्याम्बरका अध्यक्ष जोशीले बताए ।
महोत्सवमा राष्ट्रिय देखि स्थानीय स्तरका कलाकारको बेजोड प्रस्तुति रहने र यसले पर्यटन प्रवर्धन र संस्कृति क्षेत्रमा टेवा पु¥याउने आयोजकको दाबी रहेको छ । स्थानीय व्यापार बढाउने उद्देश्य रहेको बताउँदै जोशीले आफ्नो उत्पादनको प्रदर्शनी तथा बिक्रीवितरण गर्न सक्ने जानकारी गराए ।
