बसन्त विक, असार २१ कालिकोट । कालीकोटको ‘सी गाँउ’ माल्कोटमा मोटर बाटो पुगे पछि सी गाँउँवासी खुसी खुसी भएका छन । यति छिट्टै गाँउमै मोटर बाटो पुग्छ भन्ने विश्वास पनि नभएका सि गाउँवासी जनता मोटर बाटो पुगे पछि खुसी भएका हुन । ैनेपाल कम्युनिष्ट पार्टीले मोटर बाटो खनेर गाँउमै पुर्याउछ भन्दा विश्वास नगरेका ‘सी गाँउ’वासी जनता अहिले मोटर बाटो पुगे पछि विश्वस्त भएका छन ।

पैसा भएको राज्यले बाटो काट्न नसकेको अबश्थामा पैसा पनि नभएको पार्टीले मोटर बाटो काटेर गाउँमा पु¥याए पछि ‘सी गाँउ’वासी जनता विश्वश्थ हुदै खुसी भएका हुन । नेकपाले २०७४ सालको फागुन १ गतेबाट खुलालु देखि डोजर लगाएर मोटर बाटो काट्न सुरु गरे पछि ‘सी गाँउ’ वासी जनता आश्चर्य चकित भ्एका थिए । पार्टीले बाटो काट्ने काम सुरु गरे पछि कैयौ बाधा व्यवथान आए पनि रातदिन भोक प्यास नभनि र राम्रोसंग आराम नगरी जनताको साथमा बाटो काट्नेकाम जारी रहयो ।

यसले जनतामा सकरात्मक प्रभाव फैलिरेहेको थियो । १ बर्ष पछि २०७५ साल फागुन २८ गतेबाट केपी ओली सरकारले नेकपामाथि प्रतिवन्ध लगायो । खुल्ला राजनीतिमाथि हमला गर्यो । प्रतिबन्ध २०७७ साल फागनुन २१ गते मात्र फिर्ता लियो । जेनतेन करिब २ बर्षजति बाटो काट्ने काम पनि बन्द हुन पुग्यो । यसको पछाडिको एउटै कारण थियो तत्कालिन राजनीतिक पार्टी र सरकारको असहयोग ।

नेकपाको मोटर बाटो बनाउने योजना केही समय रोकिए पनि पुनः आर्थिक बर्ष ०७८ ÷०७९ देखि फेरी सुरु भयो । खुलालुदेखि ‘सी गाँउ’सम्मको करिब १२ किलोमिटर बाटो काट्नु पर्ने थियो । नेकपाले खुलालुदेखि चिउरारुख सम्मको झण्डै ८ किलोमिटरबाटो पहिलो लटमा पुरा गर्यो ।

चट्टानी भागलाई निकै मिहिनेत गरेर बाटो काट्नु पथ्र्यो । भिरपाखा र चट्टान देख्दा मोटर बाटो आउछ भन्ने आसा ‘सी गाँउ’वासीलाई थिएन । २०८० को पुस महिना यता चिउरारुख देखि सल्लारुख ‘सी गाँउ’ सम्मको सडक खण्डको सडक बनाउने काम सुरु भयो । २०८१ असारको दोस्रो साता पुरा भयो ।

यो गाउँ नेकपाका प्रवक्ता प्रकाण्ड सीको गाउँ पनि हो । यहाँका राजनीतिक पार्टी तथा सरकारी निकायहरुले विद्रोही नेताको गाँउका रुपमा चिन्ने गर्छन । जसले गर्दा राज्यका हरेक सुविधाबाट बञ्चित गरिन्छ । उनीहरुले बाटो पनि नपुगोहोस भन्ने चाहेका थिए । उनीहरुले जसरी पनि जनताबाट प्रकाण्डलाई कटाउन यो बाटोमा असहयोग गर्ने योजना बनाएका थिए । जतिसुकै षड्यन्त्रहरु भएता पनि नेकपाले जनताको श्रमदान र पार्टीको एक अर्ब लगानीमा मोटरबाटो गाँउमै पुगाएको छ । अहिले ‘सी गाँउ’वासी जनता हर्षित भएका छन ।

यसले ‘सी गाँउ’वासीको करिब ४ घण्टाको पैदल बाटो हिडेर गाडीसम्म पुग्नुपर्ने बाध्यता अन्त्य भएको छ । जसले गर्दा अहिले ‘सी गाँउ’वासी खुसी भएका हुन । माल्कोट ‘सी गाँउ’वासी ६६ बर्षिय दिल बहादुर विकले नेकपाले जनतालाई सुविधा हुने गरेर बाटो बनाएको भन्दै खुसी व्यक्त गरे । उनले भने ‘यो निकै राम्रो काम हो । सरकारले पनि बनाउन नसकेको बाटो पार्टीले बनायो ।

हामी पार्टीलाई धन्यवाद दिन्छौ । हामी अब घरको आगनबाटै गाडी चढने भयौ । हामीलाई ४ घण्टा हिड्ने बाध्यता अन्त्य हुने भयो ।’ उनले पार्टीका प्रवक्ता प्रकाण्ड सीलाई पनि बाटो बनाउने पहल गरेकोमा विशेष धन्यवाद दिए । ‘सी गाँउ’वासीहरुले बाटो काट्दै माल्कोट पुगेको डोजर तथा चालकलाई पनि खुसी हुदै गतसाता स्वागत गरे । उनीहरुले नेकपाका नेता कार्यकर्ताहरुलाई पनि भव्य स्वागत गरे । यो स्वागत मनैदेखि खुसी हुदै गरिएको स्वागत हो ।

अहिलेसम्म गाउँमा मोटर बाटो पुगेको थिएन । बाटो काट्ने राज्यको योजना पनि थिएन । तर पार्टीले जनताको घर आँगनमा बाटो पुर्याएपछि माल्कोेट सी गाँउका गोरख बहादुर वटालाको पनि खुसीको सीमा नाघेको छ । ६५ बर्षिय बटालाले गाँउमै बाटो पुगेकोप्रति खुसी व्यक्त गरे । उनले भने ‘यो नमुना काम हो । पार्टीले यति ठुलो काम गर्यो धन्यवाद   छ । अव हामी गाडी चढन पाउने भयौ ।

प्रकाण्ड मन्त्री भएर गाउँमा बाटो पुगेन भनेर गिज्जाउनेहरु थिए । यो बाटो गाँउमा पुगेपछि ती गिज्जाउनेहरुका शिर निहुरीएका छन । हामीले राम्रो कामलाई राम्रो भन्नु   पर्छ । उनले नेकपालाई लड्ने र विद्रोह गर्ने पार्टी मात्र हो भनेर बुझ्नेहरुका लागि ठुलो जवाफ भएको बताए । ‘सी गाँउ’का जनताले जनयुद्धको बेलादेखि पार्टीलाई मरिमेटी साथ दिएका छन । ‘यो बाटो काट्ने अभियानमा पनि साथ दिएका छौ । पार्टीको नेतृत्वमा हामीले बाटो बनाएका हौ’उनले भने । उनले पार्टीले चाहेमा असम्भव केही पनि नहुने बताए ।

बाटो काट्ने अभियानमा लागेका अखडा सीले जनताको साथ र सहयोगमा बाटो काट्न सफल भएको बताए । उनले जनताको शक्तिबाट जस्तो सुकै राजनीतिक तथा विकास निर्माणको परिवर्तन हुेन बताए । अहिले सी गाँउवासी जनताले बाटोलाई व्यवस्थित बनाउन जोड दिएका छन ।

उनीहरुले चाडै यो बाटो कालोपत्रे भएको देख्ने इच्छा व्यक्त गरेका छन । उनीहरुले बाटो पुग्नु नै अहिलेको लागि ठुलो उपलब्धी भएको बताए । सी गाँउवासीहरुले पार्टीको जोडबलमा चाडै स्तरउन्नत्ति हुने विश्वास पनि व्यक्त गरेका छन ।