असार १० धनगढी । चलचित्र विकास बोर्डको आयोजनामा सुदूरपश्चिम प्रदेशको धनगढीमा शुक्रबार देखि सुरु भएको राष्ट्रिय बालचलचित्र महोत्सव–२०८१ सम्पन्न भएको छ । सञ्चार तथा सूचना प्रविधिमन्त्री रेखा शर्माले उद्घाटन गर्नु भएको महोत्सबमा स्थानीय लोक संस्कृति, झाँकी, नृत्य तथा बाल–बालिकाहरुको प्रतिभा प्रस्तुतीसँगै विभुता सिटौलाद्वारा निर्देशित बाल चलचित्र शिलाबाला प्रदर्शन गरिएको थियो ।
तीन दिन सम्म चलेको उक्त महोत्सवमामा एक दर्जन बढी बाल चलचित्रहरु प्रदर्शन गरिएका थिए भने चलचित्र विकास बोर्डले प्रशिक्षित गरेका बाल–बालिकाहरुद्वारा निर्माण गरिएका चलचित्रहरु पनि महोत्सवमा प्रदर्शन गरिएको थियो ।
महोत्सव संयोजक तथा बोर्ड प्रवक्ता केएल बुढाथोकीका अनुसार बोर्ड अध्यक्ष भुवन केसीले बाल–बालिकासँग भुवन केसीले कार्यक्रममा आफ्नो चलचित्र यात्राबारे बालबालिकासँग संवाद तथा अन्तरक्रिया गरेका थिए । बाल–बालिका, चलचित्रकर्मी, शिक्षक तथा अभिभावकसँग चलचित्रमा बाल–बालिकाका कुरा विषयक अन्तरक्रिया समेत गरिएको थियो । त्यस्तै, महोत्सवकै क्रममा चलचित्र निर्माण कार्यशाला मेरो कथा मेरो चलचित्र सुुरु गरिएको थियो । कार्यशालामा २१ जना बाल–बालिकाले प्रशिक्षण लिएका थिए । चलचित्र सम्बन्धी फोटो प्रदर्शनी महोत्सवको आकर्षणको रुपमा रहेको थियो । बाल–बालिकालाई आफ्नो कथा भन्ने तथा हेर्ने वातावरण तयार गरेको
थियो । चलचित्र मार्फत शिक्षा, संस्कृति र चेतना हस्तान्तरण गर्ने, बाल–बालिकाको मनोरञ्जनको अधिकारको प्रवर्द्धन गर्ने गरेको बोर्डका सदस्य सचिव राजेश थापाले बताए ।
उनका अनुसार चलचित्र मार्फत बाल–बालिकाहरुको भावना, धारणा र व्यवहारमा परिस्कार ल्याउने तथा सिनेमा साक्षरता अभिवृद्धि गर्ने उद्देश्यले आयोजना गरिएको महोत्सव सफल र उपलब्धिमूलक रहेको बताईएको छ । यसअघि बोर्डले गत वर्ष लुम्बिनी प्रदेशको दाङमा प्रहिलो बाल चलचित्र महोत्सव आयोजना गरेको थियो ।
