फागुन १३ नवलपरासी । जनपत्रकार संगठन नेपालको सचिबालय बैठक विभिन्न निर्णयहरु गर्दै सम्पन्न भएको छ । नेपाल पत्रकार महासंघमा देखिएको सदस्यता वितरणमा देखिएको विभेद समाधानका लागी थप दबावमुलक आन्दोलन गर्ने निर्णय गर्दै सचिबालय बैठक सम्पन्न भएको हो । शुक्रबार जनपत्रकार संगठन नेपालको केन्द्रीय सचिवालय समितिको बैठक नवलवपरासीको बर्दघाट मिलनचोकमा महासंघमा केही निश्चित संगठनको सिण्डिकेट कायम देखिएको र साना संगठनको कुरा नसुन्ने प्रवृति देखिएकोले आन्दोलनमा जाने निर्णय गदैैैै सम्पन्न भएको हो ।
बैठकले उपत्यका प्रदेशले महासंघ विरुद्ध गरेको संघर्षको कार्यक्रमले केही सफलता प्राप्त गरे पनि अझै दबाव नपुगेको निश्कर्ष निकाल्दै केन्द्रीय तहबाटै नेपाल पत्रकार महासंघको केन्द्रीय कार्यालयमा संघर्षका गर्ने निर्णय गरेको हो । पत्रकार महासंघले नयाँ सदस्यताको आवेदन फारम माग गरे पछि आफ्नो संगठनका धेरैजसो क्रियाशिल पत्रकारहरुले आवेदनहरु दिएको र मापदण्ड पुग्दा पनि रोकेर राखेकाले त्यसका विरुद्ध आन्दोलन गर्ने निर्णय गरिएको हो ।
त्यसैगरी उपत्यका प्रदेशमा सबै संगठनका आवेदनहरु रोकिएकाले तालाबन्दी गर्नु परेको र केही सकारात्मक कामहरु भएको बैठकले निष्कर्ष निकालेको छ । बैठकले महासंघको आगामी चुनावमा देशभर उम्मेदवार दिने निर्णय पनि गरेको छ । त्यस्तै बैठकले प्रत्येक प्रदेश तहमा पनि महासंघको चुनावमा लड्ने उम्मेदवारहरुको तयारी गर्ने,एक अर्कोसंगठनसंग छलफल तथा सहकार्य गर्ने गरी टिमहरु बनाउने निर्णय गरेको छ ।
बैठकले संगठनलाई सुदृढ तथा विस्तार गर्ने, अन्तरक्रिया, तालिम तथा प्रशिक्षण गर्ने,उत्पादन,प्रकाशनका कामहरुमा निरन्तरता दिर्ने लगायतका विभिन्न निर्णय गरेको छ । बैठकमा सहभागी अधिकांस सचिबालय सदस्यहरुले केन्द्रीय समितिका सदस्यहरुले जनपत्रकार संगठनले आगामी महासंघको चुनावमा सशक्त रुपमा उभिनु पर्ने र निश्चित संगठनको सिण्डिकेट तोड्नु पर्ने सुभाव दिएका थिए । संगठनका अध्यक्ष शेरवहादुर विश्वकर्माले संगठलाई सुदृढ गर्दै आगामी महासंघको चुनावमा मिल्ने शक्तिसंग सहकार्य गरेर जानु पर्ने र त्यसका लागि तयारीमा लाग्न निर्देशन दिएका थिए ।
