असोज २१ कञ्चनपुर । जिल्ला प्रहरी कार्यालय कञ्चनपुरले १६ लाख बराबरको अवैध पटाका बरामद गरेको छ । जिल्ला प्रहरी कार्यालयबाट खटिएको प्रहरी टोलीले मङ्गलबार बेदकोट नगरपालिका वडा नम्बर–७ स्थित गाउजीबाट १६ लाख ८७ हजार मूल्यबराबरको पटाका बरामद गरेको प्रहरी नायब उपरीक्षक टेकबहादुर रावतले जानकारी गराखए ।
विशेष सूचनाका आधारमा लुकाइछिपाइ राखेको पटाका बरामद गरी थप अनुसन्धान भइरहेको प्रहरीले जनाएको छ । चाडपर्व नजिकिँदै गर्दा प्रहरी सीमानाकामा निगरानी बढाएको छ । प्रहरीले भारतसँग जोडिएको गड्डाचौकी नाका, महेन्द्रनगर बसपार्क लगायतका स्थानमा नागरिक सहायता कक्ष समेत स्थापना गरेको छ ।
