चैत्र २५ कञ्चनपुर । कञ्चनपुर कारागारमा झडप हुँदा पाँच जना गम्भीर घाइते भएका छन । बुधबार दिउँसो कैदीबन्दी बिच भएको झपडका क्रममा पाँच जना गम्भीर घाइते भएका हुन ।
कञ्चनपुर कारागार प्रशासनका अनुसार, शुक्लाफाँटा नगरपालिका वडा नम्बर–७ घरभएका चोरी मुद्दाका २३ वर्षीय ओम प्रकाश घडेरी, लागु औषध सम्बन्धी मुद्दाका शुक्लाफाँटा नगरपालिका वडा नम्बर ११ का १९ वर्षीय भुवन नाथ, सोही ठाउँका २६ वर्षीय भुवन ऐर, भीमदत्त नगरपालिका वडा नम्बर ७ का २५ वर्षीय आयुष बम र जबरजस्ती करणी मुद्दाका बेलौरी नगरपालिका वडा नम्बर ८ का २६ वर्षीय राजु दमाइ घाईते भएका छन ।
घाइतेको शरीर तथा टाउकोमा चोट रहेको कारागार प्रशासनका सूचना अधिकारी जीवन पन्तले जानकारी गराएका छन । आपसी विवादका क्रममा भएको झडपबाट घाइते भएका कैदीबन्दीको महाकाली प्रादेशिक अस्पतालमा उपचार भइरहेको सूचना अधिकारी पन्तले जानकारी गराए । कैदी बन्दी बिच भएको झडपको विषयमा थप अनुसन्धान भइरहेको जिल्ला प्रहरी कार्यालयले जानकारी गराएको छ ।
