चैत्र २५ बैतडी । बैतडीमा मंगलवार देखि कृषि एम्बुलेन्स सञ्चालनमा ल्याइएको छ । बैतडीको दशरथचन्द नगरपालिकाले आफ्नो ३० औँ स्थापना दिवसका अवसरमा जिल्लामै पहिलो पटक कृषि एम्बुलेन्स सञ्चालनमा ल्याएको हो । किसानहरूले उत्पादन गरेको कृषि उपजलाई ढुवानीका लागि कृषि एम्बुलेन्स सञ्चालनमा ल्याएको नगरपालिकाका कृषि विकास शाखा प्रमुख दीपक कार्कीले जानकारी गराए ।
नगरपालिका र सुदूरपश्चिम प्रदेशको भूमि व्यवस्था, कृषि तथा सहकारी मन्त्रालयको संयुक्त लगानीमा कृषि एम्बुलेन्स खरिद गरी सञ्चालनमा ल्याइएको उनले जानकारी गराए । “किसानले नगरपालिकामा कृषि उपज ढुवानीका लागि निवेदन दिनुपर्ने बताउदै उनले किसानले भनेकै ठाउँबाट सहुलियत शुल्कमा बजारसम्म ढुवानी गरिने बताए ।
कृषि विकास शाखा प्रमुख कार्कीले कृषि एम्बुलेन्स मार्फत किसानहरूले फलाएको उब्जनीलाई बजारसम्म पु¥याउन र उनीहरूलाई आवश्यक पर्ने मल, बीउ लगायत कृषि सामग्रीहरू खेतसम्म ढुवानी गरिने उनले बताए ।
नगरप्रमुख पुष्करराज जोशीले बैतडीका अधिकांश किसानहरू कृषि पेशामा आबद्ध रहेको बताउदै उनीहरूले उत्पादन गरेको कृषि उपजलाई सहज रूपमा बजारसम्म पु¥याउन कृषि एम्बुलेन्सले सहज हुने बताए । कृषि उपजलाई बजारसम्म ढुवानी गरी किसानलाई प्रोत्साहन र कृषि क्षेत्रको प्रवद्र्धनमा टेवा पु¥याउन कृषि एम्बुलेन्स सञ्चालन गरेको नगर प्रमुख जोशीले जानकारी गराए ।
