देशका तीनै तहका सरकार तथा सरकारी कार्यालयमा ब्याप्त भ्रष्टाचारको अन्त्य गर्न भ्रष्टाचारीलाई कारबाही गर्न जरुरी छ । देश संघियतामा गईसके पछि स्थानीय तहको पहिलो कार्यकालको अभ्यास सकिएर दोस्रो कार्यकालको अन्तीम समय आई सक्दा सम्म भ्रष्टाचारले जनता आक्रान्त भई सकेका छन । त्यसैको फलस्वरुप जेन्जी विद्रोहले बर्तमान सरकारको जन्म दिएको छ । सिंहदबारको अधिकार गाउ–गाउमा आएको स्वाङग रचिएको अबश्थामा अबको सरकारले यसको आभाष हुने गरी काम गर्न आवश्यक छ ।
जनताले सरकार भएको अनुभूती गर्न पाउनेगरी काम गर्न जरुरी छ । विकृति, अनियमितता, भ्रष्टाचार सबै क्षेत्रमा बढ्दै गएकाले बर्तमान सरकारले भ्रष्टाचारको अन्त्य गर्नेगरी काम गर्न जरुरी छ । जनताको नजिकको सरकार स्थानीय तहमा भ्रष्टाचार मौलाउँदै गएकाले स्थानीय तहका कर्मचारी, उपभोक्ता र बिचौलियाको मिलेमतोमा हुने भ्रष्टाचारको अन्त्य गर्न जरुरी छ । अख्तियार दुरुपयोग अनुसन्धान आयोगमा दर्ता भएका अधिकांश उजुरीहरु स्थानीय तहका भ्रष्टाचारसंग सम्बन्धित रहेका छन् ।
आयोगले भ्रष्टाचारको छानबिन गरी विशेष अदालतमा दायर गर्ने मुद्दाको संख्याका आधारमा सबैभन्दा बढी भ्रष्टाचार हुने निकायको सूचीमा स्थानीय तहलाई राखेको छ । जनताको दैनिक जीवनसंग जोडिएका र विकासको केन्द्रका रुपमा रहेका निकायमा बढ्दै गएको उजुरीका आधारमा भ्रष्टाचार मौलाउद गएको प्रष्ट देखिन्छ । वास्तवमा स्थानीय तहको काम गराइबाट जनताले राज्य प्रति धारणा बनाउने भएकाले स्थानीय तहमा देखिएका विकृति–विसंगतिले सर्वसाधारणमा निराशा बढाएको छ ।
तसर्थ विकृति–विसंगति हटाउन जनप्रतिनिधि, कर्मचारीसंगै हामी सबैले सचेत हुन जरुरी छ । भ्रष्टाचारीलाइ कारबाही गरी सम्बृद्ध नेपालको खाका कोर्न जरुरी छ । बर्तमान सरकार प्रति जनताले आशा र भरोषा गरेकाले सरकारले जनता प्रति उत्त।दायी भएर काम गर्न जरुरी छ । सरकारले गरेका कामहरुको जनताले प्रशंसा गर्दै आएका छन । अझै सरकारले जनताको चाहाना अनुरुप भ्रष्टाचारको जरो उखालेर फाल्ने गरी काम गर्न जरुरी छ । भ्रष्टाचारीलाइ कारबाही गरी भ्रष्टाचारको अन्त्य गर्न जरुरी छ ।
