चैत्र १९ धनगढी । मालपोत कार्यालय र यातायात व्यवस्था कार्यालय धनगढीबाट १२ जनालाई प्रहरीले पक्राउ गरेको छ । विहीबार मालपोत कार्यालयबाट ६ जना र यातायात कार्यालयबाट ६ जना गरी १२ जनालाई प्रहरीले पक्राउ गरेको हो ।
जिल्ला प्रहरी कार्यालय कैलालीका प्रवक्ता योगेन्द्र तिमिल्सिनाले उनीहरूलाई बिहीबार दिउँसो २ बजेको समयमा पक्राउ गरिएको जानकारी गराए ।
प्रवक्ता तिमिल्सिनाले लेखापढी सम्बन्धी लाइसेन्स नभएका उनीहरूलाई जिल्ला प्रहरी कार्यालयबाट खटिएको प्रहरी टोलीले पक्राउ गरेको जानकारी गराए । उनीहरूसँग सोधपुछ भइरहेको प्रवक्ता तिमिल्सिनाले जानकारी गराए ।
