चैत्र १७ धनगढी । सुदूरपश्चिम प्रदेशबाट ५३ हजार ९ सय ७३ जना विद्यार्थीहरु यस वर्षको माध्यमिक शिक्षा परीक्षा (एसइई) मा सहभागी हुने भएका छन । शिक्षा विकास निर्देशनालयका अनुसार प्रदेशका नौवटै जिल्लाबाट कुल ५३ हजार ९ सय ७३ जना विद्यार्थीहरु माध्यमिक शिक्षा परीक्षा (एसइई) मा सहभागी हुने भएका हुन ।
एसइई परीक्षा चैत १९ गते देखि सुरु हुँने भएको छ । निर्देशक दुर्गादत्त विष्टले नियमित तर्फ ४० हजार ९ सय ७३, प्राविधिक धारतर्फ १ हजार ७ सय ७८ र ग्रेड वृद्धितर्फ ११ हजार ४ सय ८५ जना विद्ययार्थीहरु परीक्षामा सहभागी हुने जानकारी गराएका हुन ।
जिल्लागत रूपमा हेर्दा सबैभन्दा धेरै कैलालीबाट १८ हजार २ सय ७८ जना विद्यार्थीहरु एसइइ परीक्षामा सहभागी हुने भएका छन । त्यसपछि कञ्चनपुरबाट १० हजार ८ सय ९७, बैतडीबाट ४ हजार ५ सय २९, अछामबाट ४ हजार ४ सय ५१ जना विद्यार्थीहरु एसइइ परीक्षामा सहभागी हुने भएका छन् ।
त्यसैगरी डोटीबाट ३ हजार ३ सय १४, दार्चुलाबाट ३ हजार ५ सय ६८, बझाङबाट ३ हजार ४ सय २१ जना विद्याथीहरु एसइइ परीक्षामा सहभागी हुने भएका छन । सबैभन्दा कम बाजुराबाट २ हजार ४ सय २६ जना विद्यलर्थीहरु परीक्षामा सहभागी हुने निर्देशक विष्टले जानकारी गराएका हुन ।
निर्देशक विष्टले यस वर्ष प्रदेशभर २ सय २१ वटा परीक्षा केन्द्र कायम गरिएको जानकारी गराउदै २ सय २१ जना केन्द्राध्यक्ष र ३ सय ७३ जना सहायक केन्द्राध्यक्ष परीक्षामा खटिने जानकारी गराए ।
त्यसैगरी दुई हजार ७ सय २८ जना निरीक्षक, तीन हजार ३ सय १५ जना प्रहरी, ४ सय ६९ जना परीक्षा सहायक तथा एक हजार १ सय ३ जना सहयोगी परीक्षामा परिचालन हुने उनले जानकारी गराए । प्रदेशभरी परीक्षा सञ्चालनका लागि आवश्यक सम्पूर्ण तयारी पूरा भइसकेको निर्देशनालयले जानकारी गराएको छ ।
