चैत्र ११ डडेल्धुरा । डडेलधुरामा उत्पादित तरकारी र फलफूल बिक्री गर्ने उद्देश्यले सदरमुकाममा शनिबार देखि हाटबजार सञ्चालन गर्ने तयारी भइरहेको छ । स्थानीय उत्पादन बिक्रीको सहज व्यवस्थाका लागि शनिबार देखि हाटबजार सञ्चालन गर्ने तयारी भइरहेको हो ।
अमरगढी नगरपालीका वडा नम्बर–५, का वडाध्यक्ष टंकबहादुर क्षेत्रीको अध्यक्षतामा १९ सदस्यीय समिति गठन गरिएको छ । समितिले चैत १४ बाट हरेक शनिबार हाटबजार सञ्चालन गरिने जनाएको छ । हाटबजार सञ्चालनलाई किसानले सकारात्मक रूपमा लिएका छन् । गन्यापधुराका प्रसाददत्त अवस्थीले हाटबजारले स्थानीय उत्पादन प्रदर्शन र बिक्रीका लागि राम्रो अवसर सिर्जना गर्ने बताए । ‘किसानका लागि राम्रो अवसर भएको बताउदै उनले हाटबजारका माध्यमबाट ताजा तरकारी उपभोक्ता सम्म पु¥याउन सकिने बताए । भातकाँडाका तिलकराज भट्टले उत्पादित तरकारी तथा अन्य कृषि उपज व्यापारी मार्फत सस्तो मूल्यमा बिक्री गर्न बाध्य हुनु परेको बताए । बजार अभावले किसान मर्कामा परेको बताउदै उनले ‘तरकारी बेच्न किसानले १० जना व्यापारीसँग सोध्नु पर्ने बाध्यता रहेको बताए ।
श्रम अनुसार मूल्य पाउनै मुस्किल हुने गरेको बताउदै उनले हाटबजार सुरू भएपछि उचित मूल्य पाइन्छ कि भन्ने आशा पलाएको बताए ।
स्थानीय बासिन्दाले उत्पादन गरेका तरकारी बिचौलियाले खेतबाटै खरिद गरी उपभोक्तालाई महँगोमा बेच्ने गरेको वडाध्यक्ष क्षेत्रीले बताए । बाटबजारमा किसानले आफ्ना उत्पादन ल्याएर बिक्री गर्न पाउने व्यवस्था गरिने उनले बताए ।