फागुन २९ धनगढी । धनगढी स्थित चैतन्य पाठशालाको २५ औँ वार्षिकोत्सव (रजत जयन्ती) तथा अभिभावक दिवस शुक्रबार देखि सुरु भएको छ । दुई दिन सम्म सञ्चालन हुने ५औँ वार्षिकोत्सव (रजत जयन्ती) तथा अभिभावक दिवस शुक्रबार देखि सुरु भएको हो । कार्यक्रमको उद्घाटन सुदूरपश्चिम विश्वविद्यालयका रजिस्ट्रार तथा कैलाली बहुमुखी क्याम्पसका पूर्व क्याम्पस प्रमुख प्राध्यापक डा. हेमराज पन्त र आध्यात्मिक चिन्तक चैतन्य कृष्ण महाराजले गरेका थिए ।
पाठशालाका पीटीए अध्यक्ष ईश्वर गिरीको अध्यक्षतामा सुरु भएको रजत जयन्तीको अवसरमा आयोजित कार्यक्रममा शिक्षाविद्, राष्ट्रसेवक, साहित्यकार, पत्रकार तथा समाजका प्रतिष्ठित व्यक्तिहरूको उपस्थिति रहेको थियो । कार्यक्रमको सुरुवात प्रभातफेरीबाट गरिएको थियो भने त्यसपछि विभिन्न झाँकी तथा सांस्कृतिक प्रस्तुति प्रदर्शन गरिएको थियो । यस्ता सांस्कृतिक तथा शैक्षिक कार्यक्रमहरू शनिबार पनि निरन्तर रहने आयोजकले जनाएको छ ।
विद्यालयका अनुसार रजत जयन्तीको अवसरमा शिक्षा, साहित्य, खेलकुद, समाजसेवा लगायत विभिन्न क्षेत्रमा उत्कृष्ट योगदान पु¥याएका दुई सयभन्दा बढी व्यक्तित्वलाई सम्मान गरिने छ । कार्यक्रममा बोल्दै प्राध्यापक डा. हेमराज पन्तले चैतन्य पाठशालाले धनगढी मात्र नभई समग्र सुदूरपश्चिम क्षेत्रको शिक्षामा सकारात्मक परिवर्तन ल्याउन महत्त्वपूर्ण भूमिका खेलेको बताए । उनले वर्तमान समयमा शिक्षा केवल कागजी प्रमाण पत्रमा सीमित हुन थालेको बताउर्दै यसलाई प्राविधिक र जीवनोपयोगी बनाउनु आवश्यक रहेको बताए ।
पाठशालाका अध्यक्ष गणेशप्रसाद जोशीले समाज परिवर्तनका लागि सबैको भूमिका महत्वपूर्ण हुने बताए । चैतन्य पाठशालाले प्रत्येक वर्ष समाजका विभिन्न क्षेत्रमा योगदान पु¥याएका व्यक्तिहरूलाई ‘चैतन्य साधना पुरस्कार’ मार्फत सम्मान गर्दै आएको उनले बताए । यस वर्ष पनि शिक्षा, साहित्य, खेलकुद र समाज सेवामा योगदान दिएका दर्जनौँ व्यक्तित्वलाई सम्मान गरिने उनले जानकारी गराए । विद्यालयका प्राचार्य प्रेमनिधि ओझाले कार्यक्रम अन्तर्गत सञ्चार, साहित्य, शिक्षा लगायत विभिन्न क्षेत्रमा योगदान पु¥याएका सयौँ व्यक्तित्वलाई सम्मान गरिएको जानकारी गराए ।
