फागुन २२ बागलुङ । फागुन २१ गते सम्पन्न प्रतिनिधिसभा सदस्य निर्वाचनमा म्याग्दीबाट स्वतन्त्र उम्मेदवार महावीर पुन भारी मतका साथ विजयी भएका छन् । एउटा मात्र निर्वाचन क्षत्र रहेको म्याग्दीमा स्वतन्त्र उम्मेद्वार पुनले नेकपा एमालेका उम्मेद्वार हरिकृष्ण श्रेष्ठले भन्दा तीन गुणा बढी मत प्राप्त गरि विजयी भएका हुन् ।
पुनले २२ हजार ८ सय ५० मत प्राप्त गरि विजयी हुंदा उनका प्रतिद्वन्दी हरिकृष्ण श्रेष्ठले सात हजार ९ सय १९ मत प्राप्त गरेका छन् । नेपाली कांग्रेसका कर्णबहादुर भण्डारीले ६ हजार ६ सय ७६ मत प्राप्त प्राप्त गरेका छन् । नेपाली कम्युनिस्ट पार्टीका अर्जुन थापाले ३ हजार ५ सय २९ मत प्राप्त गरे । कुल ८६ हजार,३ सय ९७ मतदाता रहेकोमा ४६ हजार २ सय १५ मत खसेको थियो ।
