फागुन ०५ धनगढी । कैलालीको अत्तरियामा रहेको लोटस आई अंग्रेजी माध्यमिक विद्यालयको २७ औँ वार्षिकोत्सव समारोह सुरु भएको छ । मंगलबार औपचारीक कार्यक्रमसँगै विद्यालयको वार्षिकोत्सव समारोह सुरु भएको हो ।
बुधबारसम्म सञ्चालन हुने समारोहको नेपालका चर्चित मोटिभेटर क्षेत्र प्रसाद ज्ञवालीले उद्घाटन गरेका हुन । विद्यालयले कक्षा ५ सम्मका विद्यार्थीहरुलाई समेटेर पहिलो दिन वार्षिकोत्सव कार्यक्रम आयोजना गरेको हो ।
बुधबार कक्षा ५ देखि माथीका विद्यार्थीहरुलाई समावेश गरी भव्य रुपमा वार्षिकोत्सव तथा अभिभावक दिवस मनाईने विद्यालयका मेनेजिङ डाईरेक्टर धुर्व कडायतले जानकारी गराए ।
उनले वार्षिकोत्सव विद्यार्थीहरुको उत्सव भएकाले सबै विद्यार्थीहरुले आफ्नो प्रतिभा देखाउने अवसर प्राप्त गरुन भन्ने सोचले वार्षिकोत्सव कार्यक्रम २ दिन आयोजना गर्न लागिएको बताए ।
विद्यालयले विगत केही वर्षयता देखि नियमित रुपमा २ दिन वार्षिकोत्सव कार्यक्रम आयोजना गर्दै आएको उनले बताए । कार्यक्रममा कक्षा पिजिदेखि ५ सम्मका विद्यार्थीहरुले विभिन्न प्रतिभाहरु देखाएका थिए ।
कार्यक्रममा विभिन्न क्षेत्रमा उत्कृष्ट भएका विद्यार्थीहरुलाई पुरस्कृत पनि गरिएको थियो । कार्यक्रममा लोटस आई माविले आफैले बनाएको लोटस सरस्वती बन्दना र स्वागत गित प्रस्तुत गरिएको थियो ।
