फागुन ०४ डडेल्धुरा । डडेल्धुरामा ट्याक्टर दुर्घटना हुँदा एक जनाको मृत्यु भएको छ । अजयमेरु गाउँपालिका वडा नम्बर–२ बसना स्थित चमडा–डडेल्धुरा पक्की सडक खण्डमा चमडाबाट डडेल्धुरा तर्फ जाँदै गरेको ट्याक्टर दुर्घटना हुँदा कञ्चनपुरको कृष्णपुर नगरपालिका वडा नम्बर–२ बाणीका २० वर्षीय सन्दिप चौधरीको मृत्यु भएको हो ।
सुपप्र०१–००२ त ७४२८ नम्बरको ट्याक्टर अनियन्त्रित भएर दुर्घटना हुँदा ३ जना घाइते भएको जिल्ला प्रहरी कार्यालय डडेल्धुराले जनाएको छ । कृष्णपुर नगरपालीका वडा नम्बर–२ बाणीका २० वर्षीय जोन चौधरी, २० वर्षीय पुरन चौधरी र २३ वर्षीय उमेश राना घाइते भएका छन ।
