फागुन ०१ डोटी । डोटीमा बन्दुकको गोली लागी एक जना युवकको मृत्यु भएको छ । बोगटान फुड्सिल गाउँपालिका वडा नम्बर १ लफडा बस्ने अन्दाजी ३० वर्षका कलम धामीको बन्दुकको गोली लागी मृत्युु भएको हो ।
जिल्ला प्रहरी कार्यालय, डोटीले बोगटान फुड्सिल गाउँपालिकाको वडा नम्बर १ पोखरीका दुर्गा सिंह कुडमालको ३ तले घरको माथिल्लो तलामा बिजुली वायरिङ्ग गर्ने क्रममा कोठामा राखिएको भरुवा बन्दुक पड्किएर बाँया कन्चटमा छर्रा लागी उनको मृत्यु भएको जानकारी गराएको हो ।
घटना माघ २८ गते बुधबार अन्दाजी ६ बजेर ४० मिनेटको समयमा भएको प्रहरीले जनाएको छ । घटना बारे स्थानीयले राती १ बजेको समयमा जानकारी गराए पछि प्रहरी सहायक निरीक्षक राम बहादुर कार्कीको कमाण्डमा ४ जनाको टोली खटिएको बताईएको छ ।
थप अनुसन्धानको लागि जिल्ला प्रहरी कार्यालय डोटीबाट प्रहरी निरीक्षक नवराज रावलको कमाण्डमा क्इऋइ सहित ५ जनाको टोली खटिएको बताइएको छ ।
